Shillong Nailur 26: Ka Shillong Lajong Football Club kala jop pyrshah ia ka Nongkrem SC da shikol ha ka jingiakhun mynta ka sngi ha ka jingialehkai ka Gionee Shillong Premier League kaba la long ha JN Stadium Polo. Ia ka kol la thep da u Hardy Cliff Nongbri, ha ka minit kaba 70.
Ha ka kylla setp ka jingialehkai ka long kaba I tynnad bha ha kaba ka kynhun jong ka Nongkren kala ioh bun ki lat ban kynjat ia ka bol sha ka kol, hynrei na ka liang jong ki Shillong Lajong FC kala ia leh tyngeh ban nym ailad ba kin ioh thep kol.
Ha ka kylla miet baroh ar liang ki kynhun kila ia lehkai bha bad kila ia leh katba lah ban ioh thep kol, dei tang ha ka minit kaba 70 ha kaba ka Shillong Lajong FC kala ioh ban thep shikol bad kane kala pynlong ia ka Shillong Lajong ba kan rah ia ka jingjop.
Ka Shillong Lajong FC kala ioh haduh 20 point na ki phra tylli ki jingialehkai hakane ka Gionee Shillong Premier league. Kin ia kynduh pat bad ka Rangdajied ha ka 4 tarik jong u bnai Risaw.
