Shillong, Naiwieng 22: U Lamphang jong ka iing dorbar thawain jong ka KHADC u bah Pynshngianlang Syiem u la pynbna hapoh ka iing dorbar ba ha kane ka jingiathep vote ban jied ia u CEM ba thymmai u bah Latiplang Kharkongor u la ioh 15 vote bad u bah Teinwell Dkhar siro.
U Lamphang u la pynbna ba u bah Latiplang Kharkongor u la ong u nongjop ha kane ka ilekshon bad mynta u la shah jied kum u CEM ba thymmai jong ka KHADC. Na ki 29 ngut ki dkhot ka iing dorbar kiba la poi ban thep vote 15 ngut bad kiba la pep ki long 14 ngut.
Ha dien ba la pynbna ia ka jingjop jong u Bah Latilpang kum u CEM ba thymmai la synran ia u CEM ba thymmai sha ka shuki da u bah Lamphrang Blah, la pynkup burom da ka jainryndai da ka kong Grace Mary Kharpuri.
U bah Latiplang u la long u CEM ba 41 jong ka iing dorbar jong ka KHADC bad kala long ruh ka sien ba nyngkong ba u MDC shimet un shah jied kum u CEM jong ka KHADC.
