Jop u Bah Reuben ia ka jingkop rwai ba bala pynlong da ka Prasar Bharati Foundation

Shillong, Naiwieng 23: Ha ka jingiarwai kaba la pynlong da ka Prasar Bharati ha kane ka sngi sdang jong kane ka lad pathai khubor jong ka sorkar pdeng kaba la tip kum ka “NE Body Can Sing- 2019- Season IV” ha kane ka jingiakop la jop da u Bah Reuben M Hadem na ka jylla Meghalaya u la rah ia ka nam lahduh.

Ia kane ka jingkop la pynlong mynta ka sngi ha U Soso Tham Auditorium ha Shillong, ia ka kyrdan baa r la rah da ka Supriya Laimayum jong ka jylla  Manipur. Kane ka jingiakop rwai la pynlong ban wad ia ki kaitor kane ka thain shatei lam mih ngi jong ka Ri India kiba don ia ka sap ban rwai.

Ha kane ka jingiakop phainal jong ka “NE Body Can Sing” kaba la poi sha ka sien kaba saw kiba la poi sha kane ka jingiakop baroh ki long hynniew ngut u wei na kawei ka jylla jong ka dong shatei lam mih ngi jong ka Ri India.

Kiba la poi sha kane ka phainal ki long u  Mudang Buggi na ka jyllaArunachal Pradesh, u Anannya Choudhury na Assam, ka Supriya Laimayum na ka jylla Manipur, u Reuben Mewanshuwa Hadem na Meghalaya, u  RK Lalduhkima na Mizoram, ka Sentisangla Oungth na Nagaland bad u Joseph Sada na Sikkim.

Ia u Bah  Reuben Mewanshuwa Hadem u ba ka jop ia kane ka jingiakop la ai ia ka khusan kaba shilak tyngka ha ka dur jong ka jingiathekular ban rwai bad ka  Supriya Laimayum kala ioh ia ka jingiathekular ban rwai kaba shongdor T. 50000/- tyngka, kat ba ia kiwei pat la ai kontrak kaba shong dorbar T.6700/- ban rwai.

U Shashi Kant ADG (E), North East Zone AIR bad  DDK  haba kren kum u kongsan ha kane ka sngi u la ong ba kum kane ka jingiakop ka pynlong kum ka lad ia ki samla kiba don ia ka sap ban rwai bad kane ka long ka jingmyntoi ia baroh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet