Tura, Naitung 18: Ka Election ban jied ia u Chief Executive Member jong ka GHADC kala long mynta ka sngi ha kaba u kyrtong jong ka seng Congress u Boston Marak u la jop pyrshah ia u kyrtong jong ka NPP u Sukharan K Sangma da hynriew vote.
Ha kane ka jingiathep vote ban jied ia u CEM jong ka GHADC kaba la long mynta ka sngi ha Tura, u Boston Marak u la ioh 17 vote bad u Shukhran K Sangma ula ioh 11 vote katba u Deputy Chairman ban pyniaid ia ka iing dorbar ym shym la thep vote.
Ka jingdon jong ki MDC hapoh jong ka GHADC mynta ka long 29 ngut. Ha dien ba la dep ban thep vote bad niew ia ki vote na ka liang jong u pynbna ba u Boston Marak u la shah jied kum u CEM ba thymmai jong ka iing dorbar hapoh jong ka GHADC.
