Shillong, Lber 21: U kyrtong jong ka liang synshar u Timothy Shira u la jop ia ka Election Deputy Speaker hapoh ka iing dorbar thawain ka jylla kaba la long mynta ka sngi ha kaba u la ioh 36 vote bad u Bah David Nongrum jong ka liang pyrshah u la ioh 20 vote.
Ha kane ka jingiathep vote kawei ka vote la shem ba kam biang ha kaba la kyntaitnoh ia kane ka vote. Na dien ba la dep ban niew ia ka vote na ka liang jong u speaker u Dr Donkupar Roy u la pynbna ba u Timothy u la jop ia ka Election Deputy Speaker.