Shillong, Jymmang 14: Mynta ka sngi ha ka por step kala don ka jingkhih kynsan ka eriong sha ki thain Mawtawar bad ha kane ka jingjia kila don ki iing kiba la shah rat ha ka eriong. Napdeng ki long iing kiba la shah pynjulor ha kane ka jingleh jong ka mariang kaba la kham jur dei tang kawei ka iing.
U Bah Process T Sawkmie MLA jong ka Mawlai mar ia ioh ia kane ka jingtip ia kaba la pyntip da ki reiw rangbah na katei ka shnong Mawtawar u la leit hi da la de ban peit ia kane ka jingjia kaba sngewsih ha kane ka jingleit u la lap la don bun tylli ki iing kiba la shah ktah bad kaba la kham julor jur ka dei tang kawei ka iing.
Ha dien ba la ia kynduh ia ki trai iing kiba la shah ktah ha kane ka jinglynshop jong ka mariang na ka liang jong u MLA u la kular ban ai shuwa da ki tin sop iing khnang ba kin ioh ban tap ia ki iing jong ki bad kiwei ki lad jingiarap un sa dang wad ia ki lad ki lynti kumno ban iarap ia kine ki long iing kiba duk.
