Shillong, Naitung 10: Ka jingjur jong u slap lai sngi lynter ha ka jylla kala wan rah ia ka jingtwa khyndew ha kylleng jong ka jylla, khamtam ki surok bad ki jaka rep jong ki paidbah khamtam ha Ri Bhoi District.
Ka seng Ri Bhoi Youth Organisation (RBYO) mynta ka sngi kala leit ban jurip halor ka jingshah tap ki pynthor kba hapoh shnong Umktieh pyllun hapoh ka jingialam jong u president ka seng u Bah Baiateilang Lapang na ka daw jong ka jingtwa u lum ba ot ban pynneh ia ka kad liengsuin ha Umroi.
Kane ka jingtwa khyndew laioh jingtip ruh ba kala don ha Lumpyngad, sha Lumparing, ha kane ka nongbah Shillong bad ka jingdap um ha Wah Umkhrah, ha kine ki jingjia baroh kam shym don kano kano ka jingjia kaba sngewsih.
Sha Ri lum Garo ha surok ban leit na Tura sha Dalu jong ka West Garo Hills District kala twa bad bun kiwei kiwei ki jingtwa khyndew ruh. Kat haduh ba thoh ia kane ka khubor kam shym don kano kano ka jingjia kaba sngewsih.
Na ka liang jong ki bor ba dei peit ia ki District bapher bapher kila long kiba la pynkhreh ban peit ba ki jingiarap kin poi ha ka por kaba biang lada don kano kano ka jingjia kaba sngewsih.
