Shillong, Iaiong 24: Ka seng HYC Mawlai Umjaiur unit mynta ka step hapoh ka jingialam u President Samla Kitbok Kyndiah ka la leit ban jurip ia artylli ki post electric kiba don hapoh ka shnong ha Block 3 , kiba long ka jingma jingmynsaw kaba la ap lypa, ia ki nongshong Shnong ha Kano Kano ka por, khamtam ha kine ki por slap por lyer.
Ka seng HYC kala ong ba ki N
umber Jong kitei ki post ki long 01602H210D bad 01602H2106. Ka seng lyngba une u kyrwoh ka dawa ba ka tnad Jong ka MeECL kadei ban shimkhia noh mardor ban maramot ia kitei ki artylli ki post, khnang ba ki nongshong Shnong kiba sah ha katei ka jaka kin long shngain bad nym rit mynsiem kumba long mynta.
Ha ka juh ka por ka seng ka ong shuh shuh ba kam kwah ban iohi ia ka tnad Jong ka MeECL ban kan leh ia ki kam isynei hadien ba la jia ki jingjia ba sngewsih. Kane ka long katkum ka kyrwoh kaba la phah da u Bah Lamphrang Warbah general secretary ka HYC Umjaiur Unit.
