Jurip u Myntri ka tnad rep u bah Banteidor  ia jaka ban pynlong Ïew ha Umroi, RB District

Shillong, Nailar 21: U Myntri ka tnad Agriculture ka Sorkar Jylla, u Bah Banteidor Lyngdoh ha ka Sngi Palei u la hiar ban jurip ia ka jaka ba la tyrwa ban pynlong ïew ha Umroi ha ryngkat u MLA ka Umroi, u Bah George B Lyngdoh, ki nongialam ka Dorbar Shnong Umroi Pyllun ba kynthup ia u Chairman, u Bah BS Syiem, ki ophisar na ka tnad lem bad kiwei.

U Bah George B Lyngdoh da kaba ai khublei ia u Myntri, u la ong, “Hangne ha Umroi ngi la don lypa ka Ïew Umroi naduh hyndai hynthai hynrei dang shen ngi la ia kren namar ka long ha syndah bad ka Airport kumta ngi hap ban pynkynriah noh ia ka Ïew”.

U la ong ba ryngkat kane ka jingthmu ka la wan ruh ka jingtyrwa na ka tnad Agriculture ka Sorkar Jylla lyngba u Myntri ban ïoh jaka ban plie ia ka Ïew na ka bynta ki nongrep bad na ka bynta ka jingmyntoi ki paidbah ka dong ka thaiñ Ri Bhoi.

“Na ka liang ka tnad ka la ibit bha ia kane ka thaiñ jong ngi bad ngi la tyrwa ia ka jaka ban ïoh ka jingïarap kaba kyrpang ban shna ia ka ïew nongrep ha Umroi da ka jingïatreilang bad ka Dorbar Shnong Umroi Pyllun bad ki nongialam shnong baroh”, u la ong.

“Ngi wan jurip ban pyni ia ka tnad ha ka jingiadonlang u Myntri ia kata ka jingthrang ka jong ngi. Ngi angnud ba kine kiei kiei ki jingpyrshang bad jingangnud jong ngi kin urlong bad na ka liang u Myntri u la pynpaw ba ka jaka kaba la biang bha ban seng iew bad kyrmen ba ki kam kin iaid sha khmat”, u la ong.

What Next?

Recent Articles

Leave a Reply

Submit Comment

*