Shillong, Nailur 30: Ka Kompani [24]7.ai kaba na California, ka ba lahduh ha ka kam “intent-driven customer solutions” bad “contact center services” – ka la pynbna ia ka jingpyneh ki tnat trei kam jong ka ha Shillong, Meghalaya. Ka Kompani ka don ki customer kiba kynthup ia ki 500 tylli ki kompani Fortune na kylleng ka pyrthei.
Ka [24]7.ai kan ai ka lad ia ki khynnah samla shane sha thain jong ngi ba kin ioh ban trei bad ki kompani sha bar ka ri ha ki buit thymmai teknoloji kum ki Chat bad Voice process, ka ban lah pat ban iarap ia ki ha kaban pynheh pynsan ia la ki jingtrei bad ban ioh jingmut ban pynskhem shuh shuh la ka jingstad.
Ka kompani ka ;la sdang ruh ban pynrung nongtrei thymmai ha Laitumkhrah, Shillong, ha kaba ka la sdang tei ia ka building kaba khia dor kaba lah ban rung 350 ngut ha Shillong Tech Park.
Ka [24]7.ai ka dei ka International Business Process Outsourcing facility kaba nyngkong eh ha Shillong. Ka Kompani ka thmu ban long ka nongai kam kaba ki briew ka Meghalaya kin shaniah ban ioh pyndonkam ia la ki sap ki jingstad .
Da ka jingdon ki nongtrei riew kynthei haduh kumba 55%, ka [24]7 ai ka thmu shuh shuh ban pyniar ia ka jinglong iaishah ha ki nongtrei da kaba pynmih ki rukom ia trei lang ki ban pynshngain ia ki riew kynthei ban trei.
Kine ki rukom trei kam ki kynthup ia ki flexi-time bad fast-track prokram ban shna ia ka kyndon treikam ia baroh ki kynthei bad shynrang ha ki kyrdan kam manager. U Animesh Jain, Chief Delivery Officer – India & Americas [24]7.ai u la ong,“Ngi kyrmen ruh ba da kaba leh kumne, ngin lah ban ai kam ai jam ia ki khynnah samla kiba don ha sor lem bad ka kabu ban ioh ban iatrei lang bad ki briew na kylleng ka pyrthei. Ngi kyrmen ruh abn long ki nongai kam kiba ki briew ki shaniah kaba ai jinghikai kaba remdor ha ka jaka trei kaba shngain bad ba sngewtynnad.”
