Shillong, Kyllalyngkot 08: Mynta ka sngi ka party Aam Admi Party (AAP) mynta ka sngi kala pynbna ba kan pynieng kyrteng ki 35 tylli ki konstitwensi ha kane ka MLA election hapoh ka Jylla Meghalaya, la ong u Bah Wanshuwa Nongtdu state president.
Ha kane ka sngi na ka liang jong ka AAP kala pynbna saw ngut ki kyrtong, u Bah Debrict Binong na Nongpoh, Bah Wonder Lapang na Umsning, Bah Peter Aiborlang Dohkrud na Mawlai bad u Bah Dorass Ramsiej na Mawkyrwat.
Haba kren ha ki nongthoh khubor u Bah Nongtdu u la ong ba ka seng Congress kan sa jah noh na kane ka Jylla Meghalaya, haba ia dei bad ka BJP u la ong ba kan nym lah ban rung hapoh jong kane ka Jylla Meghalaya. Ka NPP kan jop katto kane ngut hynrei kan nym lah ban thaw sorkar.
Haba phai sha ka AAP, u la ong ba ki paidbah kila phai khmat sha ka AAP bad ka AAP ka don ka jingkyrmen ba kan thaw ia ka sorkar ha dien ka MLA election. La iathuh ba ia ki kyrtong kiba dang sah yn sa pynbna shen ha kine ki sngi la ong u Bah Nongtdu state president.
