ka “Act East” policy ka long kaba kongsan ia baroh kawei ka thain South East Asia:Dr Jitendra

New Delhi, Iaiong 23: U Myntri ba dei peit ia ka tnad Ministry of Development of North-Eastern Region (DoNER), MoS PMO, Personnel, Public Grievances & Pensions, Atomic Energy bad Space, Dr Jitendra Singh u la ong ba ka “Act East” policy jong ka ri India ka long kaba kongsan ia baroh kawei ka thain South East Asia.

Haba ai jingkren ha ka jingialang halor ka “India-Myanmar Trade and Connectivity” ba la pynlong da ka Indian Council for Research on International Economic Relations mynta ka sngi, u Dr Jitendra Singh u la ong ba ka Myanmar kadei kawei na ki rishot ba kongsan jong ka “Act East” policy jong ka ri, namar lyngba ki thain khappud ka pyniasoh ia ka India lyngba ki jylla ka thain shatei lammihngi bad ki ri South East Asia. Ka jingshisha ba kongsan kalong ba ki bun ki jylla ka thain shatei lammihngi ba iasam ia u pud u sam bad ka Myanmar, u la ong.

U la kdew ruh ba shuwa ban pyntreikam bha ia ka Act East policy, ka long kaba donkam bha ban trei kam ha ki jaka khappud jong ka ri kiba hap ha ka thain shatei lam mihngi. U la kdew ba ka Myanmar ka dei ka ri kaba jan bad ngi kaba don ki jingiadei bad ngi ha kiba bun rukom. U la ong ba ki briew kiba sah ha ki thain khappud ki bud ia ki riti ki dustur ba iasyriem iwei ia iwei, ki im ha ka juh ka rukom bad ki bam ka juh ka bam. Kumta u la ong ba ka khaii ka pateng bad ka ri Myanmar ka lah ban long ha ki mar ba don hi ha kane ka thain shatei lam mihngi.

Ha ki saw snem ba la leit hapoh ka jingialam u Prime Minister Narendra Modi, u Dr Jitendra Singh u la kren shaphang ka jingphaikhmat ka sorkar sha ka thain shatei lammihngi, khamtam ha kaba iadei bad ka roi ka par jong ka.

Ka “Act East” policy ka kynthup ruh ia ka jingpyrshang ban plie ki lad ai kam ai jam bad seng kam seng jam lajong ka ban pynlong ia ka thain shatei lammihngi ka jingphaikhmat sha ka ioh ka kot jong ka ri bad ban kyntiew ia ki kam ki jam ha kylleng ki thain khappud lammihngi, u la ong

Da kaba kdew ia ki jingeh ha ka jingpyniasoh bad ka kit ka bah kum ki jingeh ba kongsan ba ktah ia ka jingkiew ka khaii pateng ha ka thain, u Dr Jitendra Singh u la ong ba ha ki saw snem ba la leit, la wanrah ia ka fast-track ban weng ia kine ki jingeh. U la ong, la wanrah ia ki kad liengsuin, ki lynti rel ha ki jylla bym pat ju iohi ia ki rel mynshuwa bad la pynbha ruh ia ki lynti um.

Kum ka jingpynshisha ba ka sorkar pdeng ka phaikhmat kyrpang sha ka thain, u Dr Jitendra Singh u la kdew ia ka jingsaindur ba dang shen ia ka Northeast Industrial Development Policy, ka jingpynkylla ia ka Indian Forest Act of 1927 bad ka jingwanrah ia ka NITI Aayog Forum sha ka thain shatei lammihngi. Da kaba burom ia ka Myanmar, u la kdew ruh ia ka MoU ba la mynjur dang shen hapdeng ka Mandalay Region Chamber of Commerce & Industry bad ki kynhun khaii pateng na ka thain shatei lammihngi jong ka ri.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet