Guwhati, Risaw 31: Ka Apollo Medskills Ltd, kawei na ki kynhun kiba paw kiba ai jinghikai ha ka liang jong ka koit ka khiah, kala pynlong ia ka jingai pynshai paidbah ha ka jingialang kaba la long ha Beltola kane ka long ka jingpynshai paidbah kaba nyngkong eh ha ka thain.
Kane ka jinghikai kaba la pynlong ha Beltola, ka long kyrpang tang ia ki khynnah nongkyndong jong ka jylla Meghalaya lyngba ka skhim jong ka sorkar pdeng ia kaba la tip kum ka Deen Dayal Upadhyaya Grameen Kaushalya Yojana lane ka DDU-GKY. Ia kane ka jinghikai la plie da ka Kong G. S. Lyndem, Chief Operating Officer, SIRD, ka jylla Meghalaya.
Ka skhim DDU-GKY kaba dei jong ka sorkar pdeng ka shim khia na ka bynta ban wanrah ia ka jingkylla ha ka ioh ka kot bad ban hikai ia ki khynnah na ki nongkyndong ba kin ioh ia lad jinghikai ba kin long ki nongtrei ha ki kam bapher bapher.
Na ka liang jong ka Apollo Medskills Ltd kan hikai kyrpang tang ha ka ba ia dei bad ki kam ba ia dei bad ka koit ka khiah na ka bynta ki samla nongkyndong jong ka jylla Meghalaya ha ki ar jaid ki jinghikai kata ka dei halor ka Dialysis Technician bad ka Blood Bank Technician, ym tang ba kan ai jinghikai hynrei kan pynioh kam ruh ia ki samla kiba la pass ia kane ka jingpule ba kyrpang.
