Shillong, Kyllalyngkot 19: Ka Parish Pastoral Council jong ka Cathedral jong ka Mary Help of Christian ha ka jingialang kaba la long ha ka 18 tarik mynta u bnai kala ia kren sani bha halor ka jingmih ha ki lad pathai khubor kaba la wanrah ia ka jingia sngewthuh bakla.
Ha dien ka jingiakren na ka liang jong ka Parish Pastoral Council ka pynshai paidbah ba na ka liang jong ka balang kam shym pan jingiarap na ka sorkar pdeng ban pynitynnad ia ka iing mane bah jong ka Praish Laitumkhrah.
Naka liang jong ka Parish Pastoral Council ka pynshai ba ia kaei kaba la lah ban leh na ka bynta kane ka jaka kyntang kaba dei ka jaka jingduwai ka dei na ka jingnoh syniang jong ki riew ngeit . La kyntu ia baroh kito kiba leit sha katei ka jaka ba kin burom ia kane ka jaka kyntang.
