Shillong, Naiwieng 04: U symbut myntri rangbah ka jylla u bah Prestone Tynsong u la ong ba kan bha lada ka liang pyrshah kan ia kren hapoh iing dorbar lada ki don kino kino ki jingdon kam, ym ban shu kren tang ha ki lat pathai khubor.
Kane ka jingkren jong u symbut myntri rangbah ka jylla ka long halor ka jingkylli hato ka sorkar kala pynkhreh ia ban kren hapoh ka iing dorbar , kum ka ki liang pyrshah kila pynpaw ba kin wanrah ia ka jingiakren halor ka kam, Dewiong, COVID-19.
Halor ka jingdawa jong kawei ka seng TUR ba ong ba ka sorkar ka dei ban pan jingmut shuwa ban wanrah ia ka Meghalaya Right to Public service Bill, 2020, na ka liang jong u bah Prestone u la kylli kiei kita ki TUR.
U Symbut Myntri Rangbah u la pynshai ba kane ka bill ka thew na ka bynta ki tnad sorkar baroh ba ki dei ban pyndep ia ka jingdon kam jong ki paidbah ha ka por kaba la buh namar ka jingbym don ia kane ka bill ka la buh ia ki paidbah ha ka jingeh.
