Shillong, Risaw 10: U Nongialam ka liang pyrshah u Dr Mukul Sangma u la ong ba ka BJP kam dei tang ban heh tang ka nia hynrei ka dei ban thoh sha ka ophis jong u myntri rangbah duh jong ka Ri katkum ki kyndon jong ka ain, kaei kaba khanglad ia ka BJP ban leh ia kane, ka jingle jong ka BJP ka long tang ban ban shu put rinsing.
Ka BJP ka don ia baroh ki ain ha kti jong ka, ki dei ban leh da ka kam ym ban shu kren, U Dr Mukul u la ong ba na ka liang jong u u la phah da ka jignthoh sha u Lat jong ka jylla ha kaba ia dei bad ki jingkynnoh bamsap ha kaba ia dei bad ki Autonomous District Council.
U Dr Mukul haba kren ha ki lat pathai khubor u la ong ba ba ka jingpynduh ia ki sabut kane ka dei ka kam sniew, ka long kaei kaei kaba sniew ba kane ka jingkynnoh ba ka don ka jingbam sap bad u sngewlehrain ban iohi ba ki mih ha ki lat pathai khubor, bad kumba ka long paw ha ki kam khaii beain ia u dewiong ka paw ka kyrteng jong u myntri sorkar.
Na ka liang jong ka seng Congress ka ap khmih lynti ba ka ain kan sa leh ia kaba don kam bad halor kane don kam ia ka jingthoh kit kaba lait luid, kane ka jingle ka long ba kila ktah palat ia kaba kaei kaba kim lah ban nguid la kynnoh u Dr Mukul kane ka ban sa jia.
La ong ba ki nongtrei jong ka GHADC kila iap thngan bad kila mareh na kawei ka dong sha kawei pat ban ioh ia ka tulop jong ki hynrei kum ba kala long ka bhah kaba dei ban ioh ia ki khajna la shuh jah klep u la kynnoh, ym tang ia u dewiong hynrei da ki spah tylli ki trok kiba kit maw hynrei kane kam don jingthew bad kane ka wanrah ia ka jingduhnong.
Haba ia dei bad ka jingpynkynriah kam ia ki DC bad ki SP man ka bad ia ki khlieh jong ki tnad sorkar khamtam hapoh ka tnad ba dei peit ia ki marpoh khyndew bad ka jingbuh ia u CMD jong ka MeECL kane ka pyni ba u briew ba bat ia kane ka kam u la dei u briew ba phylla shisha.
Haba ia dei bad ka MeECL, u Dr Mukul u la kynnoh ba kala jyllei bha ki kam bam sap,u la ong hato la juh iohi ba u ophisar ba dang rit ka kyrdon un long u CMD jong ka MeECL, la kynnoh ba kane ka jingle ka long ba ki lah ban hukum katba ki sngewbit.
