Shillong, Risaw 16: U bah Prestone Tynsong symbut myntri rangbah ka jylla mynta ka sngi u la ong ba ka sorkar Meghalaya Democratic Alliance (MDA) u la ong ba kila ia kren halor ki jingkynnoh kiba ka BJP Meghalaya kala kynnoh kumba paw ha ki lat pathai khubor jan man ka sngi.
Haba ia dei bad kane u bah Prestone u la ong ba kane ka sorkar MDA bad baroh ki party kiba don ha kane ka sorkar naduh ka sngi ba sdang ba thaw ia ka sorkar kila shim ia ka rai ban nym ailad ia ki kam beain lane ki jingpyndon kam bakla ia kano kano ka kam.
La ong ba lada ka BJP ka don shisha ia kita ki jingpynshia kumba kala kynnoh ka dei ban wan sha khmat ban ai ia ki jingpynshisha da ki kot ki sla bad ka sorkar kan sa leh ia kaba don kam, hynrei ban shu kynnoh ka long kaei kaei ka bym shong nia, kane ka long ia baroh ki seng sain pyrthei lane ki seng bhalang ruh kum juh lada ki don ki jingkynnoh ai ruh ia ki jingpynshisha.
Halor ka jingkynnoh ka BJP ia ki District Council, ia ka KHADC, JHADC bad KHADC, ka sorkar kala thung ia ka kynhun ban peit bniah ia ki jingpynlut pynsep, haba ia dei bad u Dewiong pat la ong ba ki kali kiba iaid ki dei kiba don ia ki Shallan bad u dewiong ba kit u dei u dewiong ba la knieh da ka sorkar.
