Ka BJP Meghalaya kan ujor ia u Lat ka jylla sha ki nongialam ka party ha Delhi

Shillong, Nohprah 15: Ki nongialam ba ha khmat jong ka party BJP Meghalaya State Unit kila khot ia ka jingialang ba kyrkieh ha ophis trei kam jong ka party ban ia kren halor kane ka jingjia hapoh ka jylla ha dien bala pdiang ia ka CAB, 2019 da baroh ar tylli ki iing dorbar jong ka Ri India bad mynta kala kylla long ka ain hadien ba la ioh ia ka jingmynjur jong u President.

Katkum ka kyrwoh kaba la phah na ka BJP ha dien jong katei ka jingialang, la ong ba wat la ka sorkar pdeng kala shim ia ka rai ban nym pyntrei kam ia ka CAA ha ki bynta jong ki Sixth Schedule kane kan nym lah ban pynhun ia ka jingdawa jong ki trai jylla.

Na ka liang jong ka BJP Meghalaya State Unit kala shim ia ka rai ban dawa ba ia ka CAA dei ban pynlait na ka jylla Meghalaya baroh kawei. Ha kane ka jingialang kila shim ruh ia ka rai ba dei ban dawa ba dei ban pyntrei kam ia ka ILP ha kane ka jylla Meghalaya ka jingdawa kaba la rim.

Ha kane ka jingialang na ka liang jong ka BJP Meghalaya State Unit kila pynpaw ruh ba ia ka jinglong jingman jong ka jylla um dei ban ktah. Haba ia dei bad ka jingkren jong u Lat ka jylla kumba la paw ha ki lad pathai khubor na ka ningialang jong ka BJP ka pynrem jur bad ia kane kin ujor sha ki nongialam ka party ha Delhi.

Ha kane ka jingialang ba kyrkieh la pyniaid da u bah J A Lyngdoh state Vice President, kiba la ia shim bynta ha kane ka jingialang ki long u bah  David Kharsati State Vice President, Bah Bashailang Khongwir Genenral Secretary State BJP Meghalaya bad u bah Sanbor Shullai MLA 19th South Shillong.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet