Ka  Cattle Prevention Bill, 2021 ka jylla Assan kala ktah ia ka jylla Meghalaya: Sanbor

Shillong, Nailur 16: U Myntri ba dei peit ia ka tnad ri jingri u bah Sanbor Shullai haba jubab ia ka jingkylli jong u bah Adelbert Nognrum u la ong ba ka Cattle Prevention Bill, 2021 ka jylla Assan kala ktah ia ka jylla Meghalaya.

U Myntri la ong ba naduh ka 9th Nailur 2021 kam shym don ka jingai ia ki Transit Pass ban kit Masi sha kane ka jylla Meghalaya, haba ia dei bad ka dor doh masi ha iew ha hat na ka liang jong u myntri u la kubur ba kala don ka jingkiew dor. Haba ia dei bad ka dor doh masi ka sorkar kam don jingthmu ban buh dor.

Haba jubab ia ka jingkylli bynrap jong u bah Adelbert u myntri u la ong ba halor katei ka Bill jong ka jylla Assam na ka liang jong u myntri la ong ba u la thoh da ka Shithi D.O sha u myntri rangbah ka jylla Assam halor katei ka Bill.

Haba ia dei bad ka jingkylli bynrap jong u bah Himalaya Shangpliang, u mytnri u la jubab ba ha kane ka shithi la thoh shai ba ka kyndon kaba 7 bad ka bynta jong ka kyndon 1 jong ka bynta kaba 7 kala ktah ia ka kit ka bah ia ki masi namar ka kren ba ki nongthied  masi ki hap ban siew sha ka jylla Assam.

Haba ia dei bad katei ka shithi kaba la phah na ka liang jong u mytnri ka sorkar Assam haduh mynta kam pat jubab haduh mynta ki dang ap ia ka juab lada ka sorkar kam ioh ia ka jubab kin sa pyrkhat kumno ban leh.

Haba ia dei bad ka jingkhaii tuh ia ki masi sha Bangladesh, u mytnri u la ong ba shuwa ba un long myntri u la ioh sngew ia kane ka jingkhaii masai tuh, haduh ba u la shim ti kum u myntri u khot ia ka jingiatreilang hapdeng ki Pulit bad ki BSF ba khanglad ia kane ka kam khaii tuh ia ki masi sha Bangladesh.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet