Shillong, Naiwieng 01: Ka jingkwah jong ka CCIB ka long ba ia ka jingker ksainar shiah dei ban ker na u Zero Line khang ba ki nongrep kin nym duhnong palat ia ki jaka rep ka jong ki paidbah. Na ka liang jong ka kynhun ka kren shai kdar ba kim pyrshah ia ka jingker ksainar shiah.
Haduh mynta ka CCIB ka kam ba ia u pud u sam ha pdeng ka India bad ka Bangladesh hapoh kane ka jylla Meghalaya ym pat lah ban ia pynbeit hynrei u pud u sam ba don mynta u dang dei tang u ba ki shu mut dur. Kane ka long katkum ka jingiatehkular ha u snem 1958 – Nehru Noon agreement bad jingialeh kular ha u snem 1975 Indo-Bangladesh Border treaty.
Na ka liang jong ka CCIB ka kwah ba lada ka sorkar pdeng ka ia pynbeit ia u pud u sam bad ka Ri Bangladesh ha kane ka jylla Meghalaya ki kwah ba ka sorkar ka dei ban khot iaki trai jaka, kam dei ban shuthom da ka bor ban ai ei ia ki jaka sha ka Bangladesh.
Ha kine ki 15 haduh 16 snem kiba ka CCIB ka ieng ka long ban iada ia ki jaka puta jong ki paidbah ki hap bahpoh ka thain Riwar jong ka jylla Meghalaya naduh Nongjri sha Jaliakhola ba ki jaka kim dei ban leit sha ka Bangladesh da kane ka jingker ksianar shiah.
Dangshen ka CCIB kala lum ia ka jingialang jong ki nongialam, ki trai khyndew naduh Jaliakhola sha duh Nongkri ban ia kren halor kane ka kam ker ksainar shiah bad kila ia mir jingmut bad baroh kiba la ia poi sha kane ka jingialang kim tip ei ei halor ka jingmih khubor.
Ha kane ka jingialang ki seng kiba ia don ha ka CCIB, ka KSU, FKJGP, HNYF kila ia don lang ha kane ka jingialang ban ia mir jingmut bad ban ia kren bniah. Ha kane ka jingialang u bah KS Rani Vice President ka HNYF u la kylli byrthew bha halor kane ka bynta. La ong u bah Kmen Myrshiang general secretary ka seng ha ka kyrwoh kaba la phah mynta ka sngi.
