Ka CHC ha Mawiong ka dang trei kam tang kum ka Dispensary, jot rathai ki iing sah

Shillong, Kyllalyngkot 21:  Ka jaka ai jingsumar ha Mawiong Umjapung kaba la ioh ia ka kyrdan “Community Health Center” mynta la khatsan snem ka dang trei kam kum ka Dispensary. Kane ka jaka ai jingsumar jong ka sorkar kam shym la lah ban trei kam haduh kine ki sngi kum ka kyrdan CHC.

U Bah Sanboklang Dohtdong u la ong ba kane ka CHC kam shym la trei kam katkum ka kyrdan jong ka, la ong ba ka sorkar kala dep ban shna ia ki iing sah jong ki nongtrei hynrei kine ki iing kila shu jot rathai namar ba ym don basah ha kine ki iing sorkar.

La ong ba kine ki iing kila kylla long kum ki jaka rieh ia ki nonglehkam sniew u Bah Dohtdong ba dei u president ka seng samla shnong la ong ba ka dei ka jinguh kaba khraw ia ki paidbah bad kum juh ia ka sorkar. Na ka liang jong ka shnong ka kmen ban ioh ia ka CHC hynrei ka jingtrei kam ka long kum Dispensary la kren bynniaw u tei u president.

U president ka seng samla u la iathuh ba ba na ka liang ki nongsynshar shnong  ki la leit ban iakynduh bad pynpaw ia ki jingeh ki ba ka ne ka shnong ka mad ha ka ba ia dei bad kane ka CHC ha ki nongpeit jong ka tnad ka koit ka khia jong ka sorkar jylla ha ki snem ki ba la dep hynrei na ka liang kine ki tnad ki la ong ba ngim lah ban buh ia ki doctor ne ki nurse kat kum ka jing donkam ka CHC namar ka jingduna ki briew nongwan shim dawai .

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet