Ka CHC Sohra kum kawei na ki jingkyrkhu ia ki longkmie ba armet katei ka thain

Shillong, Nohprah 02: Ka Comunity Health Center  ha Sohra kadei ka wei na ki jaka ai jingsumar ka ba kala ai jingshakri da ki phew phew snem mynta bad mynta ka la long kawei na ki jingkyrkhuh ia ki nongshongshnong ka thain Sohra khamtam ia ki long kmie ki ba armet ha ka ba kane ka CHC kala don ia ka jaka puid ia ki long kmie ki ba ym lah ban kha ia ki khyllung.

Ha ba ia kren bad u Incharge ka ne ka CHC u Dr K.Kharnaior u la iathuh ba ka dei ka  CHC  ka ba nyngkong eh ha ka Jylla ka ban ai ia ka jingshakri ia ki longkmie ki ba armet khamtam ia ki ba donkam ban puid.

Ha ba ia kren bad ki lad pathai khubor u Dr kharnaior u la ong nga don nyngkong ha Ganesh Das Hospital bad nga la iohi ba ka Ganesh Das Hospital kala khapniah bha na ka liang jong nga ha ba nga wan sha ne ka jaka nga kwah ban pynbiang ia ka ne ka CHC ha ka ba kan lah ban ai ka jingshakri ba pura khamtam ia ki longkmie ba armet.

Nyngkong kim don jaka ba bun ia ka jaka puid ngi don beit tang ka building ba thymmai bad ka  building barim kumta ngi la pynkylla noh ia ka labour room sha ka Operation Theater,da ka jingiarap jong u myntri ka Koit ka khia u bah AL Hek bad u MLA ka Sohra constitiency u bah Kevin Mylliemumngap ngi la ioh ban shna ia ka baranda ka ban pyniasoh ia ka building barim bad ki la pynshna ia ka labour room sha ka Operation Thearter.

Sa kawei ka jingeh ka long ba ngim don ia ki tiar ki ba pyndonkam ha ban puid namar ban theid ki la poi da ki lak te na ka liang jong nga nga la leit kyrpat sha ka ophis jong ka DMHO ban rah noh ia ki tiar na Pynursla CHC sha sohra namar ba kim pyndonkam bad ki tiar bad ki la shu sarang haba buh.

Ha ba la ioh ia ki tiar hynrei ym pat biang dang bun ki jingduna bad ngi la pynbiang ia ki tiar lyngba ka jingdon jong ka MHIS skim ha ka ba ngi la ioh ban iarap ia ki nongpang bad ki nongpang ki la iarap ia ngi.

U Dr Kharnaior u la pynpaw ka jingkhublei ruh ia u SDO ka tnad PHE bad u SDO ka tnad PWD ha ka ba ki la iarap ban pynpoi um ha CHC Sohra ha ka ba ka um ka la wan beit na duh ka treadment plan jong ka PHE.

U Dr Kharnaior u la iathuh ruh ba naduh u bnai Naitung ba la don haduh 20 tylli ki case ban puid ia ki longkmie ki ba kwah ban pynduh khun bad la artaiew mynta hadien ba la biang nadong shadong ki tiar bad ki dawai u la ioh 3 tylli ki case ban puid  pynioh khyllung.

Kane ka CHC ka dei ruh ka CHC ka ba nyngkong ban ioh ia ka lisen jong ka Blood Storage Unit,bad ka long ka ba donkam ban ioh ia ka BSU namar ba ngin ym lah ban shim ia ki case ki ba heh khlem da don snam bad ngi kyrmen ba ngin ioh noh ia ki snam.

Hynrei kawei na ka jingpyndkoh ia kane ka CHC Sohra kaba la kiew ha ka rukom ai jingshakri ia ki paidbah katei ka thain ka long ba ka jingbym biang ka Ambulance ha ka ba mynta ka don tang kawei ka Ambulance bad kane ka wanrah ia ka jingeh ba lada don kano kano ka case ka ba kham eh,na ka liang u Incharge kane ka CHC u la dep ia kren sha ka tnad ka koit ka khiah ban kyrpat ban ai sa kawei ka Ambulance.

Na ka liang ki KSU Sohra Unit ki la pynpaw ia ka jingkmen ia ka jingai jing shakri kane ka CHC hynrei ki la kyrpat ruh ia ka tnad ka koit ka khia ban ai sa ka wei ka Ambulance ban biang pura ka jingshakri kane ka CHC Sohra.

U Dr Kharnaior u la buh ruh ka jingkyrpat ban pyntip ia baroh  ki nong shongshnong ka thain ia ka ba kane ka CHC ka la lah ban sumar khnang ba ki briew kane ka thain kin wan ban kha khyllung ha kane ka CHC ban kiar na ka jingioh khyllung ha ing ba kin lait na kano kano ka jingma ia ka kmie bad i khun.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet