Ka Citizenship (Amendment) Bill, 2016, Ka Khlam Bamduh ia ka Jaidbynriew: HYC

Shillong, Jymmang 28: Ka Seng Hynniewtrep Youths’ Council kum shi bynta ban pyntip bad pynshai paidbah halor ka Citizenship (Amendment) Bill, 2016 ka la pynmih ia ki kot lyngkdop ba la ai kyrteng ” Ka Citizenship ( Amendment) Bill, 2016, Ka Khlam Bamduh ia ka Jaidbynriew Hynniewtrep” bad sam ruh ia ki ha ka 28.05.18 da kaba sdang ban sam ia ki na khyrdop ka Secretariat, ha ki ophis sorkar kum ka DC ophis, MPSC Building, Chief Engineer PWD, Ophis District Concil Bad kiwei kiwei ki jaka ha kane ka sngi.

Ka Seng hi naduh ba sdang ka ieng pyrshah ia kane ka jingthmu jong ka Sorkar India ban pynlong Ain ia kane ka Bill namar kum ka Seng kam iahap ia ka jingmut jong ka Sorkar ban pynlong nong India jubor ia ki briew kiba dei na Bangladesh, Afghanistan bad Pakistan kiba dei na ka niam Hindu, Jain, Sikh, Buddhist, Parsi bad Khristan.

Kum ka Seng ngi sngewthuh ia ka jingma kaba khraw ka ban wan hap wan jia ia ka jiadbynriew ritpaid jong ngi lada  kane ka Bill ka kylla long Ain. Lada tang shipawa na ki 1.4 klur ki Bangladeshi Hindu kin wan shong wansah hangne ka ka jylla jong ngi bad kin kylla long ki Nong India lyngba kane ka Ain, ka Jaidbynriew ritbaid ka jong ngi kan sa hap ha ka jynjar bad khim khait bad lehse ngin sa kylla long ki phet wir ha la ka Ri ka muluk. Kumta kum ka Seng lyngba kane kane ka sienjam ngi kwah ba ki paradoh parasnam ki jong ngi khmatam eh kin sngewthuh shuwa kaei kane ka Ain, kan ktah kumno ia ngi bad kaei kaba kum ka Jaidbynriew ngi dei ban leh ban pyrshah horkit hordang ia kane ka Ain jong ka Sorkar India kaba thmu ban pynlong Nong India jubor ia ki Briew nabar Ri khamtam eh ki Hindu na Bangladesh.

Ka seng ka pynpaw ia ka jingsngew nguh ia ka Sorkar Jylla kaba lah rai lyngba ka Cabinet ba ka pyrshah ia kane ka Ain hynrei kum ka Seng ka sngew ba kam pat biang tang katne hynrei dei ban pass da ka Resolution jong ka Ing Dorbar Thawain hi baroh kawei ban pyrshah ia kane ka Ain. Ka seng ka dawa ruh na baroh artylli ki District Concil  ka Khasi bad Jaintia Hills ba ki ruh ki dei ban shim ia kajuh ka rai lyngba ki Ing thawain jong ki ban pynpaw ka jingpyrshah ia kane ka Bill bad phah jingthoh sha ka Sorkar India.

Ka Seng shen ka sa thoh sha u Myntri Rangbah ka Sorkar Jylla ban dawa ia kane bad ruh sha ki CEM jong ka KHADC bad JHADC.  Ka Seng kan sa shong pyrkhat ruh kumno ban iaid shakhmat ban pyrshah ia kane ka Bill ba kan long Ain hadien ba ngi lah iaid lynti ban pynsngewthuh shuwa ia ki paidnong shongshnong.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet