Shillong, Lber 20: U Dr Jemino Mawthoh mynta ka sngi u la thep ia ka nomination jong u ban ia ia khun ia kane ka MP ilekshon sha Lok Sabha na ka party UDP da ka jingiakyrshan lang ki party kiba don lang ha kane ka sorkar MDA. Ia ka nomination la thep ha khmat jong u Returning Officer u Abhishek Bhahotia ba dei na ka bynta ka 1-Shillong parliamentary Konstitwensi.
Haba kren ha ki nongthoh khubor ha dien ba la dep ban thep ia ka nomination u la ong ba ka jingiakhun jong u ia kane ka MP ilekshon kan long ha lor ka bor jong ka sorkar MDA ha kaba ka UDP, NPP, PDF, HSPDP ki ia don lang ha kane ka sorkar MDA.
Haba phai sha ka seng congress u la ong ba ka congress kam don ei ei pyrshah ia ka sorkar MDA hynrei kala kynnoh beit ia ka BJP. U la ong ba kane ka dei ka por ba don ka synshar khleh khawlang ia kaba ym lah ban kiar, um ba ki ia trei lang bad ka BJP.
Haba phai sha ka CAB, u Dr Mawthoh kyrtong ka UDP, u la ong ba ka Congress bad ka BJP kam don jingiapher ei ei ruh em ka Congress kala leh ia kane naduh ki snem 1947 bad ka BJP ka wan rah mynta ka jingong jong ki ba ki pyrshah CAB ka dei tang ka manggarong.
U la ong ba kum ka jylla kaba rit kaba duna ki jingmih ka hap ban don ka jingiajan hapdeng ka sorkar jylla bad ka sorkar pdeng na ka bynta ban ioh jingkyrshan, haba phai sha ka kampud kam sam u la ong ba la don kam ia ka “boundary commission” ban ia pynbeit ia kane ka kam. Na ka liang jong u Dr Mawthoh u ieh ia kane ka jingstad jong ki paidbah ba kin shim ia ka rai.
Ha kane ka sngi la synranlang na ka liang jong ka kynhun MDA, u Bah Prestone Tynsong, Sniawbhlang Dkhar jong ka NPP, na ka HSPDP, u Bah Renitone Tongkhar Bah Samlin Malangniang bad kiwei kiwei ki MLA kiba ia don lang ha kane ka kynhun MLA nalor jong ka party UDP.
