Shillong, Nailur 17: U President ka Meghalaya Pradesh Congress Committee (MPCC) u bah Vincent H Pala ong ba ha kine ki shisnem ka party kala kynduh jingeh, hynrei mynta kila ioh ia ki kyrtong kiba baing ba du don ka jingkyrmen ba kin leh bha ha ka MLA elekshon 2023.
Ha kine ki san bnai ba dang sah kam jngai shuh na ka bynta ki kyrtong ba kin pynkhreh bad u don ka jingkyrmen ba kin sa leh bha, haba ia dei bad u Dr Mukul Sangma kata ka jingkren dei tang ka hamsaia.
Ka party Congress kam tlot ei ei, ha kane ka por mynta kat sha ba phai kala dang khlains huh shuh, peit naduh ki nongrep, ki nongkhaii lane ki nongtrei sorkar kila ia kynduh shibun ki jingeh ha kine ki san snem kiba la dep bad ka jingkyrmen ka dei tang ka party Congress.
Mynta ka shong ka party Congress lada ki lah ban pynieng ia ki kyrtong kiba la nang la stad bad kiba khlem pat don kano kano ka jingthoh bria kin sa leh bha, ki briew na jrong ki peit bein ia ka congress hynrei kin sa lyngngoh bad ka jingjop ki kyrtong kan long palat ia kaba ki pyrkhat.
U bah Pala la ong ba ka party congress kan nym ia tehlok bad no bad ruh ia mynta, ka party kan pynieng kyrtong ha baroh 60 tylli ki konstitwensi bad ia mynta kim pat lah ban ong katno ngut kin jop hynrei ka shnong ruh ha kiwei ki party kumno ki buh kyrtong.
Ia kane la kren ki lat pathai khubor ha ka jingialang ban sam khusnam sha ki smala pule kiba la kiba la pass bala pynlong da ka Pynthorumkhrah Assembly Youth Congress, ha Bellfonte, Lumshyiap.
