Shillong, Rymphang 20: U Bah Process T Sawkmie MLA jong ka Mawlai u ba dei ruh u nongbat shabuk jong ka liang pyrshah hapoh ka iing dorbar thawain ka jylla u la ong ba ka party congress ka kloi ban ia leitlang ban ia kynduh ia umyntri kam poh iing ka sorkar pdeng u Amti shah ban ia kren halor ka Inner Line Permit.
Haba kren ha ki lad pathai khubor, u Bah process u la ong ba na ka liang jong ka party Congress kala trywa sha u myntri rangbah ka jylla u Cornad K Sangma ba lada don kam ban ia leit lang na ka liang jong ka party ka long kaba la kloi ban leit ban ia kren halor ka ILP.
U tei u nongialam jong ka Congress u la ong ba, ia mynta na ka liang jong u myntri rangbah u la iaid sha khmat ban ia kynduh ia u myntri kam poh iing ka sorkar pdeng bad ka dei ka kamram jong ka sorkar ban rah sha ka sorkar pdeng ia ka rai jong ka iing dorbar ha kaba ia dei bad ka rai ban pyntrei kam ia ka ILP ha ka jylla.
U bah Process u la ong ba lada na ka liang jong ka sorkar lada ka don kam ban ialeit lang baroh 60 ngut ki MLA sha Delhi ban ia kynduh ia ka sorkar pdeng halor kane ka jingdawa ka jylla ban ioh ia ka ILP ruh ki long kiba la kloi ban leit da ka kam ka dawa la ong u bah Process.
