Shillong, Naiwieng 04: U Jairam Rames dkhot jong ka All India Congress Committee (AICC) u la ong ba ka party kan ieng pyrshah ia ka jingthmu jong ka sorkar BJP ban wanrah ia ka Citizenship Amendment Bill ha kane ka dor bar tlang ban long mynta u bnai hapoh parliament.
U tei u nongialam jong ka seng Congress u la ong ba kumka party kan ia kren lang ruh ia kiwei ki party ha kaba ia dei bad kane ban pyrshah ia kane ka Bill, namar kane ka bill kan wanrah ia ka jingiapher hapdeng ki para nong India ha ka liang jong ka niam la kynnoh u Jairam Rames.
Kane ka CAB, ka pynkhien ruh ia ki ar tylli ki artikle jong ka Riti Synshar jong ka Ri India,a kata ka artikle 14 bad ka Artikle 21. U la kynnoh ba kane ka jingthmu ban pyntrei kam ia ka CAB ka dei ka jingkwah jong ka RSS bad ka party BJP. Ka Congress kan nym ailad ba kane kan urlong.
Haba ia dei bad ka National Register Citizenship (NRC) u la ong ba ka Congress ka pyrshah jur ia ki poiwir ia kine dei ban pynsangeh ha khappud. Ka jingpyntreikam ia kane ka NRC ha Assam ka long katkum ka khana samari jongu snem 1951 bad ka soskular kaba la ia soi ha u snem 1985.
Ka jingkylli mynta ka long haba pyntrei kam ia ka NRC ka long pynban ka jingpyndik ia ki trai ri bad bun na ki briew jong ka jylla Meghalaya kiba shongkurim sha Assam kila kylla nongwei hala ka jong ka Ri.
Haba phai sha ka jylla Meghalaya, na ka liang jong ka seng Congress ka dawa ba dei pyntreikam noh ia ka MRSS Act kaba la pdiang da ka iing dorbar ha ka por jong ka sorkar Congress .
Ban ioh ia ka jingkyrshan na kiwei ki party na ka liang jong ka BJP kala pyndon kam ia ka CBI, ka Enforcement Directorate bad kum juh ia ka Income Tax kine ki lai tylli ka BJP kala pyndon kam ban ioh ia ka jingkyrshan sha ka, hynrei na ka liang jong ka Congress kan ieng ban ia leh pyrshah.
