Ka Congress kan nym ailad ban pynkylla ia ka Sixth Schedule kum ka Panchayati Raj: Bah Ronie

Shillong, SeptMPCC EC Meeting. 21: U nongialam jong ka seng Congress u Bah Ronie V Lyngdoh myntri ba rim jong ka sorkar jylla u la ong ba ka party Congress kan nym shah ban pynkylla ia ka Sixth Schedule kum ka Panchayati Raj ha ka jylla Meghalaya, ka seng kan ia khoh tynrgeh lada ka don ka jingleh kaba kum katta bad da lei lei kan nym ailad.

U Bah Ronie u la kren ia kane ha ki nongthoh khubor mynta ka sngi ha Congress Bhavan ha dien ba la kut ka jingialang jong ka Exectuive Committee jong ka MPCC kiba la ia thir sani halor katei ka phang namar ia kane ka jingthmu jong ka sorkar pdeng ban pynkylla ia ka Sixth Schedule kum ka Panchayati Raj kala paw mynta ka sngi ha kawei na ki kot khubor phareng.

Na kaliang jong u tei unongialam jong ka seng Congres  u la ong ba dei hapoh jong ka Sixth Schedule ba la ai ia ka jingiada ia ki rit paid ha kane ka jylla Meghalaya, dang lah ban duh ia ka pisa ban ia ba wanrah ia ka Panchayati Raj, yn nym lah ban ia pein ia ka Sixth Schedule bad ka tyngka.

La pynkynmaw haba wanrah ia ka 73rd amendment ia ka riti synshar jong ka Ri India u myntri rangbah duh jong ka Ri India u  Rajive Gandhi, u la pynlait iaki jaka ba don ka Sixth Schedule na ka Panchajati Raj. Lada kane ka sorkar BJP ha Delhi mynta ka leh ia kane ka mut ka don ei ei sha lyndet la ong u bah Ronie.

Ia mynta ka seng Congress kan nym pat thoh shano shano ruh namar ia kane ki dang iohi ha ki lad pathai khubor ynda ki la ioh da ka jingthoh kaba wan na ka sorkar ha kata ka por ka seng kan sa ieng ban ialeh pyrshah ban nym ailad ban pynkylla ia ka Sixth Schedule kum ka Panchayati Raj la ong u Bah Roni V Lyngdoh.

What Next?

Recent Articles

Leave a Reply

Submit Comment

*