Shillong, Lber 06: U bah Ronnie V Lyngdoh nongai ktien ka kynhun ki MDC jong ka seng Congress hapoh jong ka KHADC, u la ong ba ka Congress party kam shym la thep nomination na ka bynta ka Ilekshon CEM bad Lamphang hapoh jong ka KHADC ka dei ba ki duna briew.
Haba kren ha ki lad pathai khubor u bah Ronnie u la ong ba kum ka party kan shong ha ka liang pyrshah bad kum ka liang pyrshah kan long kaba peitngor ha kaba ia dei bad ka jingtrei kam jong kane ka EC kaba thymmai ban peit ba kane ka EC ka dei ban ai ka jingiada ia ki rit paid bad ha ka juh ka ban peit ba ki kam pynroi ruh kum juh.
Haba phai sha ka jingjied CEM hapoh ka KHADC, u Bah Ronnie u la ong ba kala thikna ba kan don ka jingkylla EC lai sien ha kane ka iing dorbar kaba mynta bad kane ka kren shai ba kane ka EC kan long ka EC kaba tlot, na ka liang jong ka Congress kan nym pynkhih hynrei kane ka EC kan sa hap hi bad kin wan sa ka Congress.
U tei u nongialam jong ka seng Congress u la ong ba kim don kam ban pynkhih hynrei kane ka EC kan sa khyllem hi, bad ban pynthikna ia kane ka dei na ka jingmih ha ki lad pathai khubor ba ia ka shuki CEM yn ia sam ha ki lai ngut ki MDC jong ka party UDP, kane kala paw shai ia ka jingtlot kane ka EC kaba mynta.
