Shillong, Nohprah 19: U Bah Peter A Dohkrud muktiar hapoh jong ka Supreme Court u la ong ba kumno ka congress na kane ka jylla Meghalaya kan ai ia ka jingkynthoh jong ka haba ka khlem ai ia ka jingujor hapoh Supreme Court, kine ki don hok ban kynthoh.
Kumba ka long ki ki don ki nongialam seng sain pyrthei na ka jylla kiba la shim kabu ban ioh jingmyntoi ha ka sian pyrthei, U la ong ba kumba ka paw ha ki lad pathai khubor kaba la kren dei ka Dr Ampareen Lyngdoh kaba la kynthoh ba sngewduh jingkyrmen ban iohi ba ka supreme court ka khlem pynsangeh ia ka CAA,2019.
U Bah Dohkrud u la ong ba haduh mynta kiba la ujor sha Supreme Court pyrshah ia ka Citizenship Amendment Act 2019 ki long 60 ngut, na kane ka jylla ki don ar tylli ka NESO bad ka kynhun jong ki.
La ong ba kane ka jingpynshai ka long ba ka PIL la dep ban ai hapoh supreme court, bad ka la dei ban ai jingthoh sha ka sorkar pdeng bad ha ka 22 tarik kyllalyngkot 2020 ka Supreme Court kan sa shong bishar halor kine ki PIL kiba la ujor da ka kynhun jong ki bad kiwei de.
La ong ba don ki National Television kiba ia shah sorkar ki ong ba ka supreme court kam shym la pdiang kane ka long kaba bakla. Ka supreme court kala pdiang, hynrei shi sien ba ka bill kala kylla ain ka Supreme Court ka hap ban pan jingshai namar ka sorkar shuwa ba kan shim bishar.
Ka iing bishar kan nym pynrem iano iano khlem da shim ia ka jingsngew na baroh arliang. Ka phang ba ka PIL kaba kila mudi na ka liang jong ki ka long pyrshah ia ka phang ha kaba ia dei bad ka phang ba ka CAA ka long pyrshah ia ka riti synshar “Federalism”.
Haba ia dei bad ka Inner Line permit bad ka Citizenship Amendment Act 2019, kine ki don ka jingiapher. Hynrei mynta kiba bun kila ia pynleit jingmut sha ka ILP ki klet ia ka CAA. Ki paidbah kim dei hun tang ha ka ILP, lada ioh ia ka ka sorkar ka dei ban pyntrei kam ia ka harukom kaba dei ban lait na ki jingbamsap.
