Shillong, Nohprah 23: ka jingmih khubor ha kine ki sngi ba lah ban ai syrnot riewlum (Scheduled Tribe Certificate) їa ki khun Khasi na ka kmie bad kpa Khasi ki ba shim jait na u kpa ka long ka bym shisha bad khlem nongrim katkumba ka paw na ka shithi sorkar No. SW(S) 82/ 2011/ Pt.I/ 122 ka ba ha ka 17th November, 2020.
Kane ka shithi ba phah da u Under Secretary to the Government of Meghalaya, Social Welfare Department to the Deputy Commissioners of East and West Khasi Hills Districts ka kren shai shaphang ka jingїasyllok jong ki tnat sorkarki ba dei khmih їa kane ka phang ka ba kynthup їa ka District Council Affairs bad Law Department, ha ka ba la rai ban bat pyrkhing katkum ki riti tynrai ban khang mardor ban don kano kano ka jingthmu ban pynkylla.
Shuh shuh, ka sorkar ka la aiti ha ka District Level Committee ban pynjiari kat kumba dawa ha kane ka liang bad la sot na ka jingbthah, ‘ban rai sani ha baroh ki ba pan jingbit na ka bynta ban pdiang ne kyntait їa ki syrnot riewlum їa baroh ki ba pan, kynthup kito ki briew ki ba dei kmie dei kpa Khasi tangba ki shim jait na u kpa.
Katkum ki dulir ba la buhti bad pynїaid kat kumba la bynshet da ka ba tynjuh na ka ba kren ktien Khasi paka ha manla ki khep’. Na kata ka daw baroh ki jingsngew artatien, bynñiaw, sahnud bad mutdur khlem jingtip ba thikna, ki ba la kynshoit bad saphriang lyngba ki lad pathai khubor kin shu kut noh mardor.
Katkum ba la tih bniah, ka jingbthah sorkar ka ba don ha ka SP News Agency and Media Plus ka ai kaiphot їa ki jingshisha ban pathai paidbah katkum kata ka kyrwoh sorkar.
