Ka dei ban don ka jingthoh kaba biang halor u Syiem Tirot Sing ong myntri sorkar u Bah AL Hek

KHadsawphraMairang, Naitung 17: U myntri ba dei peit ia ka riti dustur jong ka sorkar Meghalaya u Bah AL Hek, u la ong ba ka dei ban don ka jingthoh kaba biang halor u Syiem Tirot Sing, ia kane u la kren kum u kongsan ha ka jingrakhe pyndon burom ia ka sngi iap ba 183 snem jong une u Syiem ba khraw ka hima Khadsawphra ha Mairang mynta ka sngi.

Ha kane ka jingialang paidbah kaba la pynlong da ka Hima Khadsawphra, halor ka jingpan jong ka Hima na ka sorkar ban shna ia ka durmot jong u Syiem Tirot Sing, u Bah Hek u la ong lada buh ia ka dur mot jong une u riew khraw dei ban don ki jingthoh kiba biang ha kaba ia dei bad une u Syiem khnang ba kan nym sah tang ka dur mot hynrei ki briew kiba wan ban jngohkai kin tip u ei uta u Syiem Tirot Sing.

U Bah Hel u la ong shuh shuh ba u Syiem Tirot Sing ym dei tang u Syiem jong ka hima Khadsawphra hynrei ud ei u Syem jong ka jaid bynriew baroh kawei, halor ka dorkhas kaba la ai mynta ka sngi u la don kane ka jingthoh kan nym long ei ei lada ym don ba bud dien sha ei kala poi. U la ai jingmut ban don kam committee ban peit ia kane.

Ha ka jingkren jong u Bah HS Shylla CEM jong ka KHADC, u la ong ba na ka liang jong ka KHADC ha kine ki sngi kan sa pynmih ia ka jingpynbna baroh ki Hima ki dei ban pynlong ia ka dorbar hima la kumno kumno ar sien shisnem khang ba ki kam hima baroh kin ia shai lada don ki hima ki bym kohnguh kin hap ban ai jingkhein.

U la ong ba dei ban shim ia ka nuksa jong u Syiem ka Hima Khadsawphra  u Pa’im Tirot Sing Syiem shuwa ban ai jingbit ia ki phareng ban shna ia ka surok u la lum da ka dorbar hima, ha kane ka juh ka rukom ki hima ki dei ban lum ia ka dorbar namar ka bor ka shong ha ki paidbah. Kam shong ha u Syiem ne ki myntri jong ka Hima.

Ha kane ka sngi u CEM jong ka KHADC u la ong ba ki dorbar hima, ki dorbar shnong ki dei ban long kiba khlain ban ia leh pyrshah ia ki kam thombor ia ki kynthei lada ki dorbar hima ki dorbar shnong ki khlain kane kan nym wan jia. U la ong ruh ba ka pyrthei bad kum juh ka sorkar India kala sdang ban ithuh ia ka shong para shynrang lane para pyrthei, kum ka jaid bynriew ka dei ban pyrshah ia kane namar kane ka dei ka pap ka sang.

Ha ka jingkren jong u Bah Robertjune Kharjahrin president  jong kaseng HYC, u la ai ka jingiaroh ia ki MDC bad ki MLA kiba mynshuwa kiba la wan rah ia ka jingkhang lad ia ka jingkhaii jong kiwei ki jaid bynriew da kaba shna ia ka ain Trading By Non Tribal ha KHADC, ki MLA ba myshuwa kila shna ia ka ain ban iada ia ka khyndew ka shyiap bad kum juh ia ka bha kam bhah jam, ka jingkylli mynta hato kine ki MLA MDC mynta ki nud ban pyntrei kam ia ka NRC, ia ka ILP ban iada ia ka jaidbynriew.

Ha kane ka sngi na ka liang jong ka Kur Syiemlieh la kren da u Bah Krobes Syiemlieh, u ba la batai shaphang u Syiem Tirot Sing, ia ka dorkhas la ai da u Syiem khynnah ka hima Khadsawphra, u Bah KM Syiemlieh, ia ka jingkren ai khublei ai da u Myntri Bolsness Lyngdoh Nongum. Ha kane ka sngi la don ruh shibun ki jingiakop ban pynphuh pynphing ia kane ka sngi kaba khraw jong ka Hima baroh kawei. Ia kane ka jingrakhe burom la pynlong ha Madan Tirot Sing ha Mairang.

What Next?

Recent Articles

Leave a Reply

Submit Comment
*