Ka dei ka kamram jong ki nongialam sain pyrthei ban iada ia ka jaidbynriew, jylla:CoMSO

Shillong, Nailur 22: Kadei ka kamram Jong ki  Nongialam ka sainhima ban Iada ia ka Jaidbynriew bad ka Jylla da kaba pyntreikam noh ia ka inner line Permit.

Naka liang Jong ka CoMSO Kum ki sengbhalang ki la pyndep la ka bynta bad kila shim ia lyngti ban kyrsiew thiah , ban ai jingmut bad ban ia snoh ktilang bad ki nongialam ka sain hima kumno ban iada ia ka jaidbynriew bad ka jylla na ka jingshah tyllep noh ha ki bar jylla bad ki mynder ri.

Ka “High level committee on Influx” kaba la long lamphang da u Bah Bindo M Lanong ka la ai jingmut ban pyntreikam ia ka ILP ha baroh kawei ka jylla ban iada ia ki jingma na ka jingrung kyrthlep ki poiwir. Na ka liang Jong ka CoMSO ka dawa ia kaei kaba ka committee ba la don bynta da ki MLA na baroh ki party , ki riewstad Kum ki IAS, ki nongiasaid Ain , ki scholar , ki sengbhalang bad ki khlieh nongsynshar ki la ai jingmynjur ha u snem 2012.

Na ka liang jong ka CoMSO kala ai jingmut kumno ban tynsad ia ki bor ka inner line Permit system ha ka MRSSA da kaba pynrung ia kine kyndon; kawei ban nymshah shuh ia ki bar jylla bad bar ri ban rung Sha ka jylla khlem jingbit ka sorkar.

Ka kyndon kaba ar ka long ba u bar jylla ne Barri u dei ban biang ki kot ki sla bad dei ban tip Shai u wan leh aiu, ki Kam aiu kin trei , haei unsah bad ym dei ban shah ba un sah palat 179 sngi ha ka Jylla Lada ai lad ba un sah .

Ka kyndon kaba lai ka long ba dei ban pynshitom da kaba set along ne dainkuna Lada u pynkhein Ia kine ki don, na ka liang jong ka CoMSO kala aijingmut ruh kumno kin leh ban Lait ka ktah ia ki tourist , ki transit passenger bad ban ia ka roi ka par.

kabynta kaba saw kaba ki la ai jingmut kalong ban pynkylla ia ka land transfer Act dakaba ym shah ia ki bymdei ki trai muluk ban thied khyndew , ban pynlong ia ki district Kum kiwei na ki bor ban peit Lang ia ka jingdie khyndew Sha ki non Tribal bad kiwei.

Mynta ka dei sa kamram ki nongsynshar bad ki nongialam ka sainpyrthei ban pyndep la ka kamram bad ki dawa na  baroh ba ki dei ban shim jingkitkhieh ban iada ia la ka jaidbynriew bad ka jylla .

Na ka liang Jong ka CoMSO kin nang iai bud dien bad pynkynmaw ia baroh halor Kane bad ki kyrmen kin shim ka jingkitkhieh ban iada ia ka jylla na ki jingma kaban mih na ka jingrung kyrthlep ki poiwir. La ong u Bah Robertjune Kharjahrin lamphang ka CoMSO.

 

What Next?

Recent Articles

Leave a Reply

Submit Comment

*