Ka dei ka kamram jong ngi baroh kumno ban sumar ia ka mariang: B. Lyngdoh

Banteidor Lyngdoh MDCShillong, Lber 19: Ka District Horticulture Office ha ryngkat ka jing ia treilang bad ka Socila Eco-Life Development (SELD) Committee, District Lum Lyngkien Sohphie jong ka Balang Prebyterian ha ka kala pynlong ia ka jingai jinghikai halor ka phang pdeng “Standardisation, kumno ban song ia ki mar rep kaba ki pynmih.

Ha katei ka jingai jinghikai la wan ban iashim bynta da kiba bun ki Nongrep kiba kynthup naduh ki Riew Rangbah bad kiba kham bun na ki ki dei ki Long kmie jong ka Balang Prebyterian kiba hap hapoh ka jing peit jing khmih jong ka District Lum Lyngkien Sohphie.Ka jingthmu kaba kongsan jong katei ka Training Programme ka long ban ai jinghikai ia ki Nongrep ban nang pynkiew shuh shuh ia ka Lad kamai kajih khamtam eh ia ki paidbah Nongkyndong bad ban pyn janai shuh shuh ia ka Rep ka Riang katkum ka jing kylla jong ka por.

Kiba la lawan ban ai jinghikai ha katei ka sngi da ki ophisar bad ki Riew Shemphang kiba kynthup ia u Bah P.S. Kharnaior, District Horticulture Officer, East Khasi Hills iba la ai jinghikai halor ka Post Harvest management of Hort Crop, ka Kong M.Dkhar, Asst. Director of Horticulture kaba la ai jinghikai halor ka Standardisation and Grading of Hort Crop, katba i Bah D.L.Nongspung uba dei ruh u wei na ki Nongialam Society ba pyniaid ia ka Urlong Tea Factory u la ai jinghikai halor ka phang Primary Processing and Packing.

La Pynshngain bad ai mynsiem shuh shuh ia ka paidbah Nongrep kiba wan shah ai jinghikai ha katei ka Training Programme kaba la pynbit pynbiang da ka Socila Eco-Life Development (SELD) Committee, District Lum Lyngkien Sohphie jong ka Balang Prebyterian  da ka jing ia don rynkat jong u Bah Banteidor Lyngdoh , MDC Mawkynrew Constituency uba la long kum u Kongsan ha katei ka sngi.

Haba kren kum u Kongsan ha katei ka sngi na ka liang jong u Bah Banteidor Lyngdoh, u la ai jingiaroh shikatdei eh ia kane ka sienjam ba la shim da ka Socila Eco-Life Development (SELD) Committee, District Lum Lyngkien Sohphie jong ka Balang Prebyterian ha ryngkat ka jingkyrshan jong ka District Horticulture Office ban  pynlong ia kum kine ki Training Programme da ka mynsiem jong ka jingkitkhlieh bad ka jing iohi jngai ban saindur ia ka lawei da kaba bynrap ruh ba kum ka pateng bynriew kaba mynta ngi im ha ka juk jong kiba bun ki jingkylla bad kadei ka kamram jong ngi ki Long mynta ban sumar bad ban tngkai ia ka spah mariang.

kaba u Blei u la Kyrkhu kyrpang hapdeng jong ngi, Shuh shuh U Bah Banteidor u la ong ruh ba kiba bun ki Paidbah Nong Shnong Shnong jong ka Thain kidei kiba imsngi lyngba ka rep ka riang ban bsa ban pjah ia ka ing ka sem, ban ai ka jing nang jing stad iala ki jong ki khun ki kti bad kumta ter ter, kumta u la ong ba dei lyngba jong kine ki  Training programme yn lah shisha ban kyntiew ia ka ioh ka kot, ka jing nang jing tip halor ka rep ka riang katkum ka juk mynta bad kumno ban pynjanai ia ka kam. Ha kane ka sngi la sam ruh ia ki Dawai Sboh sha baroh ki nong wan shah Hikai da u Kongsan.

 

 

What Next?

Recent Articles

Leave a Reply

Submit Comment
*