Ka District Council ka dei ka stieh ka jaidbynriew ong u kyrtong ka NPP u bah P N Syiem

Shillong, Rymphang 21: U Bah Pynsngianlang Syiem kyrtong ka NPP ha kane ka MDC ilekshon na ka Mawkhar-Pynthor konstitwensi u la ong ba ka District Council ka dei ka stieh jong ka jaidbynriew bad ia kane la iohi ha kine ki snem kiba la dep haba kum ka jaidbynriew ka mat ia ka jingeh ha kaba ai dei bad ki kam rangbah shnong.

Haba kren ha ki nongthoh khubor mynta ka sngi ha ophis jong u ha Nongrimhills, u la ong ba ka sngi ban jied ia ki nongmih khmat sha ka iing dorbar thawain jong ka Khasi Hills Autonomous District Council (KHADC) kan long sa tang san sngi bad u kyrmen ba ki paidbah kin jied ia ki nongmih khmat kiba lah ban sngewthuh ban iada ia ka jaidbynriew lyngba ki ain.

U bah Pynsngngianlang Syiem u la pynkynmaw ba ha ka por ba u long kum u CEM jong ka KHADC ka jaidbynriew kala mad ia ka jingeh ha kaba ia dei bad ki kam rangbah shnong ha u snem 2014 dei ha kane ka por ba na ka liang jong ka KHADC kala mudui sha Supreme Court ia ka rai jong ka Hingh Court jong ka jylla Meghalaya.

Ym tang kata ka kam pud kam sam bad ka jylla Assam, ka jingkhangtih dewiong baroh ki phai sha ka District Council namar kibor kiba la pynkhamti ha ka hapoh jong ka Sixth Schedule, kaba sngewsih ka long ba ha dien ba la ioh ia la ka jong ka jylla kam shym don shuh kata ka jingburom ia ki District Council.

Haba ia dei bad ka Village Adminstration Bill u bah Pynshngianlang u kynnoh ba dei ka sorkar MAU II hapoh ka jingialam jong ka congress kaba la pynslem bad pynphia biang sha ka District Council bad mynta ka dang sah hapoh jong ka District. U CEM barim jong ka KHADC u la ong ba ki ain jong ki hikai ki dei beit bad ki kam hima, hynrei ka VAB ka dei bad ki bor jong ka shnong.

Haba ia dei bad ka jingkylli hato u dang don ne em ka thang ban wan biang kum u CEM jong ka KHADC la u jop ia kane ka ilskhon u la ong ba kane ka shnong ha ka party ban jied, haba ia dei bad ka jingmih noh jong u na ka party kaba u la seng, u la ong ba nyngkong u dei na ka seng Congress bad ha dien ba la shah beh noh shipor u la thaw ia ka PDF, hynrei ha dien ba u la rem ia ka ilekshon kam shym don shuh ka jingkhien briew ia u kumta u la mih noh ym kwah ban ia bun nia.

Haba ia dei bad kane ka seng kaba u don mynta u la ong ba, u sngewsarong ban iohi ba hapoh ka jingialam jong u Conrad K Sangma u la lah ban iohi jngai na ka bynta ban pyniatylli ia ka dong shatei lam mih ngi bad ia kane la iohi ha kane ka jingialeh pyrshah ia ka CAB, u la ong ba kum ka North East ka dei ban ia tylli ban pynsngew ia ki jingeh jong ka thain bad ia kane u iohi dei tang ha ka NPP bad u kmen ban don ha kane ka party. Haba ia dei bad kane ka MDC ilekshon, u la ong ba ka shong ha ki paidbah ban ai ia ka rai, hynrei yn nym kynthoh iano iano ruh.

 

 

 

 

What Next?

Recent Articles

Leave a Reply

Submit Comment

*