Ka don ka jingeh ban ri jingri ba rem palat ki jingbam ban bsa ia ki: Dr Donkupar

Shillong, Kyllalyngkot 12: ka ophis jong ka tnad ri jingri jong ka Sohra Civil Subdivision kala pynlong ia ka jinghikai ba kyrpang kaba shisngi ia ki paidbah ka thain Sohra ha kaba ia dei bad ka kam ri jignri ha Saitsohpen Community Hall ha kaba u BDO jong ka Shella Bholaganj Block u Bah AS Mukhin, u EAC J Umdor, Dr K B Sahkhar Deputy Director ka tnad ri jingri kila ia don lang.

Ha ka jingkren jong u Dr Donkupar Roy shnongknor jong ka iing dorbar thawain ka jylla u la pynpaw ia ka jingsngewnguh ban iohi ba kan don kum kane ka jinghikai na ka bynta kito kiba kwah ban shim ia kane ka kam ri jingri kum kawei na ki lad kamai. U la ong  ruh bay m lah ban klet ba u kpa jong u ruh u long u ba sngewtynnad ban ri jingri.

Ha ka juh ka por u Dr Donkupar u la ong ba ka ri jingri kam dei ka kam kaba suk, ki don bun ki jingeh bad kawei na ki jingeh kaba ki paidbah ki ia kynduh ha kaba ri jingri ka long ka jingrem palat ki jingbam ban bsa ia ki jingri. Kawei pat ka jigneh ka long ba ia ka iew la pyndap da ki jingrei kiba wan na shabar jong ka jylla kiba kham tad dor.

Ban pynkhlain ia ka kam ri jingri la don kam ban pynduna ia ka jingwanrah ia ki marad kiba na sha bar u la ong ba don kam ban buh da ka khajana ia ki jingri kiba wan na sha bar khnang ba ki trai jylla kin ioh ia ka dor kaba biang. Ha ka juh ka por u la ong ruh ba don kam ban hikai ia ki paidbah ba kin sngewthuh bha ia kane ka kam ri jingri.

Ka jingpynlong ia kane ka jinghikai ka dei ka skhim kaba wan na ka sorkar pdeng bad ha kane ka sngi la ai ruh ia ka jingithih ia ki katto katne ngut ki briew kiba la shim ia kane ka kam ri jignri kum ka lad kamai ka jong ki ia ka jingialang la pyniaid na ka tnad ri jignri u Dr BK Mawthoh ba dei peit ia ka Sohra Civil Sub Division.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet