Shillong, Nohprah 14: Mynta ka sngi ka tnad ilkeshon jong ka jylla Meghalaya kala pynlong ia ka jingpyni paidbah ki briew kiba don ha ki iing bishar ia kaba la pynlong ha Polo Tower Shillong ha kaba bun bah ki briew kiba dei na ki iing bishar kila poi ban ia shim bynta ha kane ka jingpynshai halor ka jingtrei kam jong ki EVM & VVPAT.
Haba kren ha kane ka jingiakynduh bad ki briew kiba dei na ki iing bishar u Bah F R Kharkongor Chief Election Officer jong ka jylla Meghalaya, u la ong ba la pynlong khnang ia kane ka jingiakynduh ban pynsngewthuh ia ka jingtrei kam jong ki kor EVM bad VVPAT bad na ka liang jong ka iing bishar ruh kala pdiang ia ia ka jingpyndon kam ia kine ki mashin.
Ha kane ka jingialang ban pynshai halor kine ki mashin EVM bad VVPAT, na ka liang jong u CEO u la ong ba ka don ka jingiapher hapdeng ka jingshah pynjot bad kiba don jingthut, la khot khang ia kane ka jingpynshai ka long ba ki iing bishar kila ban ioh pdiang ia ki jingujor ha kaba ia dei bad ki kam ilekshon bad kane ka jingiakynduh ka long ban ai ka jingsngewthuh ia ki kum ki nongiaisait ain.
Ha ka jingkren plie ia ka jingialang u Secretary ka tnad ain jong ka sorkar Meghalaya u bah W Khyllep u la ong ba ka jingpyndon kam ia kine ki kor EVMs bad VVPAT ka long ban pyniaid ia ka ilekshon kaba khuid ba suba bad ban wanrah ia ka jingsngewshngiang ha ki nongthep but bad ka synshar paidbah kala dang kiew sha khmat.
Ha kane ka sngi la pynlait paidbah ruh ia ka kot jingbatai ha kaba ia dei bad ki EVMs bade VVPAT, kiba la kren ha kane ka jingialang longu Additional CEO u RP Marak bad u Bah K G Nongrum u la batai bniah ia ka jingtrei kam jong ki mashin EVMs bad VVPAT.
