Shillong, Naiwieng 15: Ka jingiaky
nduhlang ba shisngi hapoh jong ka ICAR mynta ka sngi ka long ban ia kren halor ka phang “Linking Startups and SMEs in Food Processing with Government Schemes and Markets” ia kaba la pynlong da ka Associated Chambers jong ka Commerce bad Industries jong ka sorkar India (ASSOCHAM) ha ka jingiatreilang bad ka tna pynneh pynsah ia ki marbam ryngkat ka ICAR. Kane ka jingialang kaba la long mynta ka sngi ka long ban ia mir jingmut halor katei ka phang.
Haba kren ha kane ka jingialang kum u kongsan na ka liang ka jong u Lat ka jylla u Ganga Prasad u la ong ba ka Dong Shatei Lam Mihngi jong ka Ri India ka don ia ki jaka rep kiba biang bad haba phai sha kane ka jylla Meghalaya, la ong ba kane ka jylla ka dei ka jylla kaba la kyrkhu kyrpang sahisha ha kaba ia dei bad ka rep ka riang na ka bynta ban rep bad kane kan long ka lad ban ai kam ai jam ia ki samla ka jylla.
Ka jylla Meghalaya ka ia dei bha bad ka rep kwai, rep Sohmarit, bad kiwei kiwei ki jingrep, hynrei kaba la paw eh mynta ka dei ha ka rep sla sha. La ong ba ka thong jong u myntri rangbah duh jong ka Ri ka long ban wanrah ia ka jingkiew ha ka ioh ka kot ha ki nongrep kaba long ar shah na kaba ki juh ioh ha kine ki snem baroh. Ka jingialang kaba kum kane ka long kaba don kam haduh katta katta la ong u Lat ka jylla.
Ha ka jingkren jong u Bah B Paul Muktieh, Chairman bad Managing Director, jong ka NEDFi u la batai ia ki lad jingiarap pisa jong kane ka shnat bei pisa jong ka sorkar pdeng sha ki nongrep ha kane ka jylla bad ka dong hi baroh kawei bad ka jingthmu jong ka NEDFi ka long ban wanrah ia ka jingkylla ha ka jingim jong ki briew lyngba ka rep ka riang.
Ha ka jingkren jong u Bah B. Mawlong, Joint Secretary, Department ka tand rep jong ka sorkar Meghalaya u la ong ba naduh bas dang hi ki briew jong ka jylla Meghalaya ki dei b aim ha ka rep ka riang bad haduh mynta 80% na ki paidbah nongshong shnong jong ka jylla kid ei ki nongrep bad 60% na ki jaka rep kid ei ki jingrep kiba pynmih ia ki marbam.
Haba kren pdiangburom ia ki paidbah kiba la wan sha kane ka jingialang u Dr Ramgopal Laha ba dei peit ia ka ICAR ha ka jingkren ka jong u u la ong ban a ka liang jong ka ICAR ka phai khmat bha ha kaba ia dei bad ka rep ka riang ba ia dei bad ki kynja musli musla namar kane thain ia ka iahap bha bad kine ki jaid mar rep bad kane ka jingialang kaba la long mynta ka sngi ka long ban ia mir jingmut ban leh ia kaba kaba bha tam na ka bynta kane ka thain baroh kawei. Kiwei kiba la kren ha kane ka jingialang ki long u Dr. Om S Tyagi, Senior Director, ASSOCHAM bad bun kiwei kwiei dei.
