Shillong, Jymmang 18: Ka dor Gas ka kiew ka hiar man u bnai bad kane kala buh ia ki paidbah kiba pyndon kam ia ka tyndong lyer na ka bynta ka shet ka tiew khamtam eh ha ki jaka sor, kala buh ia ki paidbah ha ka Umdum ia kane ka jingkiew jinghiar jong ka dor tyndong lyer na u wei u bnai sha u wei pat u bnai.
U Manish K Sah area manager jong ka Indane ba dei peit ia ka sor Shillong, haba kren ha u SP News Agency u la iathuh ba ka dei ka jingshisha ba ka dor jong ka tyndong lyer lane ka Gas ka iapher na u wei u bnai sha u wei pat bad kane ka dei katkum ka jingbethah jong ka sorkar pdeng.
La iathuh ba na ka bynta ki tyndong lyer, ka jingkiew ne kajinghiar ka long ha kaba sdang jong man u bnai. La ong ban sngewthuh ia kane ka jingkiew jinghiar jong ka tyndong lyer ki paidbah ki lah ban peit na ka website jong ka kompeni www. Indane.co.in la ong u Manish area manager ba dei peit ia ka sor shillong.
