Shillong, Naiwieng 24: Ka sorkar kala phah ia ka jingpyntip sha ka ophis jong jong u shongknor jong ka iing dorbar thawain ka jylla ba ia ka dorbar tlang yn sdang ha ka 8 tarik Nohprah 2017.
U Commissioner bad Secretary jong ka iing dorbar thain ka jylla u Bah Andrew Saimon, haba kren ha u SP News Agency u la iathuh ba ka ophis kala ioh pdiang ia ka jingpyntip na ka sorkar ba ka dorbar kan sdang ha ka 8 tarik u bnai Nohprah.
Haba ia dei bad ki sngi shong dorbar pat kan shong ha ka Business Advisory Committee (BAC) ba kan rai ia ki sngi shong dorbar. La ong ba yn da la wan phai u shongknor jong ka iing dorbar thawain ka jylla yn sa khot ia ka BAC ban ia buh ia ki sngi katno sngi kane ka dor bar kan shong.
Kane ka jingiashong dorbar kan sdang ha ka 8 tarik Nohprah 2017, kan long ka dorbar kaba khatduh ia kane ka iing dorbar kaba mynta bad ha ka juh ka por ka jylla Meghalaya kan sa leit noh sha ka election MLA kaba thymmai ha kaba ki paidbah kin sa jied ia ki nongmih khmat sha ka iing dorbar thawain ka jylla ha u bnai Rymphang 2018.
