Ka dorkar mang tyngka jong u snem 2018-2019 kan sdang la sngi Thohdieng

Shillong, Lber 13: Ka Business Advisory Committee jong ka iing dorbar thawain ka jylla Meghalaya hapoh ka jingpeit jong u Speaker jong ka iing dorbar thawain ka jylla kala shong mynta ka sngi ha kaba kala shim ia ka rai ba ia ka dorbar mang tyngka jong us nem 2018-2018 kan sdang ha ka 16th Lber 2018, kata ka sngi thohdieng bad kan kut ha ka 20 tarik Iaiong 2018.

Kane ka dorbar mang tyngka kan long 18 sngi  lynter bad ha kane ka jingiashong dorbar la mang 12 sngi  na ka bynta ki kam jong ka sorkar bad 6 sngi la bhah na ka bynta ki liang pyrshah lada ki don ei ei ban wanrah hapoh ka iing dorbar ban ia tai.

Katkum ka  kalender kaba la ia kren mynta ka sngi hapoh jong ka BAC, la buh ba ha ka sngi sdang u Lat jong ka jylla un ai ka jngkren jong u hapoh ka iing dorbar thawain jong ka jylla. Ia ka mang tyngka na ka bynta u snem 2018-2019 u myntri ka pla pisa jong ka jylla, bala bat hi da u myntri rangbah ka jylla u Conrad K Sangma um wanrah hapoh ka iing dorkar ha ka 23th Lber 2018.

Ka jingiashong dobar kan sdang ha ka 16th Lber haduh ka 23 tarik Lber bad ia kane ka jingiashong dorbar yn beteng biang ha ka 5th Iaiong bad kan kut ha ka 20th Iaiong 2018. Baroh ki shong dorbar kan long 18 sngi naduh bas dang haduh kaba kut bad 12 sngi kin long ki kam na ka bynta jong ka sorkar bad 6 sngi la mang kyrpang ia ki liang pyrshah.

 

What Next?

Recent Articles

Leave a Reply

Submit Comment

*