Shillong, Nohprah 04: Ki saw tylli ki District ba thymmai ha ka jylla Meghalaya kin sa ioh ia ki skul Jawahar Navodaya Vidyalayas, kito ki long ka East Jaintia Hills, South West Khasi Hills, North Garo Hills bad ka South West Garo Hills District.
Katkum ki khubor kiba la lah ban ioh la ong ba ka sorkar pdeng kala mang saw tylli ki skul jong ka JNV ha kane ka jylla Meghalaya bad kine kin leit sha ki district ba dang shu pynkha thymmai da ka sorkar namar ka sorkar pdeng ka kwah ba ia kine ki skul jong ka sorkar pdeng dei ban don ha baroh ki District.
Kine ki skul jong ka sorkar pdeng kim don tang ha ki katto katne tylli ki jylla, ha ki bynta ba shathie jong ka Ri India namar kim pdiang ia katein Hindi namar ha kumne kine ki skulk a ktien Hindi katei ka subject kaba kongsan.
Kaei kaba jia pat ha kane ka jylla Meghalaya ka long ba ka sorkar jylla ka long ka dieng pynkiang ia ka jingdon kine ki skul kumba ka long mynta ia ka JNV School ha Mawphlang ha kaba ka sorkar kam lah ban shim rai ban pynpoi ia ka um sha ka permanent Campus jong kane ka skul kaba don ha Mawphlang.(SP News)
