Ka Eastern West Khasi Hills District ka dei ka District kaba 734 ha ka Ri India: R V Suchiang

Shillong, Naiwieng 10: Ka Chief Secretary jong ka jylla Meghalaya ka kong  R V Suchiang mynta ka sngi kala pyntip ba ka jylla Meghalaya kala don 12 tylli ki District da ka jingplie ia kne ka Eastern West Khasi Hills District bad kane ka long ka District kaba 734 ha ka Ri India.

Haba kren ha ka jingialang paidbah ka kong Suchiang kala ong ba kane ka dei ka sngi kaba sah kynmaw ha ka jylla bad  khamtam ia ki paidbah nongshong shnong ban ioh ia kane ka Eastern West Khasi Hills District.

Ka Chief Secretary kala ong ba ka jingthmu jong ka sorkar ban plie ia ki District ka long ban rah ia ka synshar khaddar kham jan sha ki paidbah ban pynsuk ia ki paidbah bad haba ki paidbah kin ioh bynta lang ha ki kam pynroi bad ki skhim bapher bapher jong ka sorkar.

La ong ba ka jylla dang don shibun ki jaka ba don kam ia ki kam pynroi namar ka West Khasi Hills ka dei ka jaka kaba heh bha bad ka dang don kam shibun ki kam pynroi dei hapoh ka jingialam jong u myntri rangbah ka jylla kala ibit ban pynioh ia kane ka District kaba thymmai.

Kane ka dei ka District ka dei kaba dang lung kumta don kam ia ka jingiateh paralok hapdeng ki paidbah bad ka sorkar ban pynlong ia kane ka District kaba thymmai kaba khi ba san ka long ba kane ka thain ka long kaba riewspah ha bun ki liang bad ka don ruh ia ki jaka jngohkai pyrthei.

Na ka liang jong ka Chief Secretary kala kyntu ia ki paidbah ba kin wan sha khmat ban pynsuk ia ka sorkar ba kan buh ia ki tnad trei kam bapher bapher namar da ka jingia shimbynta ki paidbah ka sorkar kan nym shym jingeh ban pyntrei ia ki skhim kiba pher bapher ki ban dang sa wan bad ka kitbok ia ki paidbah nongshong shnong baroh ban kiew ha ki liang bapher bapher.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet