Shillong, Lber 28: U Bah Pynshngianlang Syiem CEM jong ka KHADC haba juba ia ka jingkylli jong ka kong Telinai Thangkhiew ia kaba la ai bor ha u Manstudy Nongrem na ia rap kylli lang, na ka liang jong u CEM u la ong ba ka Executive Committee ka don ka jingthmu ban ai Laptop ia ki MDC bad leh se wei ar ngut ki ophisar jong ka ophis.
La ong ba haduh mynta kam pat don ka kata ka jingsam ia ki Laptop hynrei shen ka EC kan sa sam namar ia mynta ka dang don ha ka jingpynkhreh bad shen ynsa sam noh, la ong u CEM. Haba ia dei bad ki ophisar ka ophis kala lah ban ai ia u wei ne ar, hynrei kane ka jingthmu ban ai Laptop ka long khamtam eh ia ki MDC.
Ha kawei pat ka jingkylli kaba la wan rah da u Manstudy Nongrem, ha kaba ia dei bad ka jingpyndon kam bakla ia ka pisa jong ka KHADC da ki ophisar jong ka tnad khlaw na ka liang jong u CEM u la ong ba ka EC kala ioh ia ka kaiphot bad ka jingshem jong ka kaiphot ka long ba ki opisar jong ka tnad khlad u Bah T Saibon, u la pynkhein ia ki hynrei tylli ki kyndon jong ka ophis.
Haba ia dei bad kane na ka liang jong ka u CEM u la ong ba katkum ka “Servie Rule” haba jong ka KHADC na ka liang jong ka ophis ka hap ban thoh sha u ophisar ban pan jingpynshai shuwa ba ka ophis kan leh ia kaba don kam.
