Ka EC kan ia kynduh sngi nyngkong ban iakren halor ka “Gram Sabha Committee”: HS Shylla

Shillong, Nohprah 06: U Bah HS Shylla Chief Executive Committee (CEM) jong ka KHADC u la ong ba ka Executive Committee kan dang ia kynduh ha ka sngi nyngkong ban ia kren halor ka “Gram Sabha Committee”. Dei ha ka EC kin sa ia shim ia ka rai yn nym lah ban rai marwei.

Halor kane u CEM jong ka KHADC u la ong ba kila don ki  rangbah shnong kila wan ban ia kynduh ban kylli halor kane ka “Gram Sabha Committee” bad na ka liang jong u kum u CEM u la ong ba ym pat don jingtip ei ei ruh namar kam pat wan ha ka jingtip sha ka Council, hynrei kila don phah ba kane ka wan na ka sorkar pdeng lyngba jong ka Panchayatiraj lyngba jong ki Block.

Ka jingma kaba don hangto ka long ba u no u no u ba la rangbah u la lah ban don ia ka hok thep vote, katba ka KHADC dangshen kala wanrah ia ka jingpynkylla ia ka AD Rule ban khang ia ki bym dei ki trai shnong ban thep vote. La ong ba naduh ba wanrah ia ka NERGS kaba dei na ka Schedule XI, kane ka schedule ka long ban ialeh ban weng ia ka jingduk bad naduh ba la wan ia kane, la sngewthuh ba kane ka long ban jop ia ki briew sha ki nongkyndong namar ban wanrah beit ia ka Panchayatiraj kam long kila sdang shuwa ia ka NERGS.

La ong ba ha ki jaka nongkyndong khamtam ki sngewtynad ban ioh pisa, hooid sngewtynnad ba kin ioh pisa ioh jingtrei kala iarap shibun ban ioh jingtrei, hynrei kaei kaba shepting mynta ka long ba kane ka dei ka jingpyntrei kam ia ka Panchayatiraj na lyndet hapoh ki shnong ki thaw ki dorbar shnong ki hap ban phikir bha.

Kane ka jingleh jong ka sorkar pdeng ha kane ka rukom ka don jingma namar ba hangne la khang khnang ia ka Panchayatiraj, haba ba peit ia ki kyndon hapoh ka kommittee ka long baroh kin don bynta lang. Kan poi ka por ba ki dorbar shnong kin sa long ki bymlar kam kine ki kommittee kin sa shimti ia ka kam.

Kumba ka long mynta haba wan ka pisa baroh ki briew kin shu kyllon lut, kaba sngewlyngoh ba kumno ka sorkar India ka pynrung ia kane khlem da iaid lyngba jong ka sorkar jylla namar lada kwah ban pynrung ia ka Panchayatiraj ha ka jylla ka dei ban wan shuh ka rai napoh ka iing dorbar thawain ka jylla, hynrei  ia kane ym pat leh hynrei kila da wanrah, ki dorbar shnong ki hap ban sngewthuh ia kane ba ioh ka dei ka jingpynrung ia ka panchayatiraj hapoh ki shnong ki thaw.

Halor kane ka KHADC kan sa shong ka EC ban ia kren ia kane, na ka liang jong ka KHADC pyrshah ia kane, kane ka long ban jop ia ki briew da ka bor jong ka pisa, kane ka jingleh jong ka sorkar pdeng ban iaid beit sha ki nongkyndong ban theh da ka pisa kan long kaba bha. Lada don kam ban ia kren hap ban khot ia ka dorbar ba kyrpang ruh ban ia kren ia kane. Haduh mynta ym pat ioh jingtip ba la thaw ia ki “Gram Sabha Committee”. Kane ka long ka jingma ia ka jaidbynriew.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet