Shillong, Rymphang 12: U bah Fredric Roy Kharkongor Chief Electoral Officer (CEO) jong ka sorkar Meghalaya, u la ong ba ka Election Commission jong ka Ri India kam don bynta ei ei ruh em bad ka ilekshon MDC ha ka jylla Meghalaya.
Kane ka jingpynshai na u CEO jong ka sorkar Meghalaya ka long halor ka jingkylli kaba la buh da u SP News Agency, hato ka dei shisha ba ka ECI ka don bynta bad ka MDC ilekshon hapoh kane ka jylla, kumba la kam da ka party UDP ha ka jingkular ilekshon ‘Manifesto” kaba la pynlait paidbah ha ka sngi Nyngkong.
Haba ia dei bad kata ka jingkam jong ka UDP, ka dei ka UDP ban pynshai, hynrei na ka liang jong ka ECI kam don bynta ei ei ruh em bad ka MDC ilekshon, ka ECI ka pyniaid tang ia ka MP bad MLA ilkeshon. Ia ka MDC ilekshon la pyniaid da ka District Council Affair jong ka sorkar jylla, la kren shai u CEO ka jylla Meghalaya.
Ha ka sngi nyngkong haba ka UDP party kala pynlait paidbah ia ka “manifesto” kular ilekshon, ka la thoh shai shuwa ban poi sha ki mat trei kam, kala thoh shai kdar “ Ka Election Commission of India(ECI) kala buh ia ka 27.02.2019 ban don ka election jingiajied paidbah ha baroh ar tylli kitei ki Council,(KHADC bad JHADC)”.
