Ka ECI kan iakhun tyngeh ban khang lad ia ka jingpyndon kam pisa ha ka Election:AK Joti

Shillong, Nohprah 23: U ChieElection Commissionf Election Commissioner jong ka Ri India u AK Joti, u la kren shai kdar ba ka Election Commission jong ka Ri India kania khun tyngeh ban khanglad lad ia ka jingpyndon kam pisa ha ka Election, ia kane u la kren ha ki lad pathai khubor mynta ka sngi ha Pinewood Hotel Shillong.

Naka liang jong u CEC u Joti ha ka jingiadon lang ar ngut ki Election Commissioner, u Sunil Arora bad u Om Prakash Rawat, u la ong ba na ka bynta kane ka election ka ban long hapoh ka jylla Meghalaya, na ka liang jong ka Commission kala bethah ia ka tnad Income Tax Department ba kin ap ha ki ar tylli ki kad lieng suin ha Guwahati bad ha Umroi ban peit ia ka jingwan jong ka pisa.

Ha ka juh ka por la bethah ba ha baroh 11 tylli ki District ha ka jylla ba kin don ki Income Tax Ophisar ban peitngor ia ka jingrah jingrom ia ka pisa hapoh jong ka District lada don kano kano ka jingsuba ki don ki “Flying Squad” lai kynhun ha man ki Konstitwnesi ban thwet lada don kam. Ka Election Commission kan ia leh tyngeh ban pynlong ia ka Election kaba khuuid ba suba.

Ha kane ka jingwan kaba ar sngi hapoh ka jylla Meghalaya ka long ban wan ia kynduh bad ban sngewthuh haduh katno ka jingpynkhreh ia ka election kala iaid sha khmat. Ha kine ki ar sngi kila ia kynduh ia ki heh sorkar, ki bor jong ki District Administration, ki seng sain pyrthei bad ki bor pahara.

Haba ia dei bad ki jaka thep kaba ka jylla Meghalaya ka don 3082 tylli ki polling station, na kine la ong ba 30% ki dei ki jaka bym don light, na ka liang jong ka Election Commission kala bethah ia ka sorkar ba kan pynbiang daki solar light ne ban ai light shipor sha ki jaka thep vote.

Haba phai sha ka jingdon ki Nongthep vote na ka liang jong ka Commission kala ai ka jingiaroh ia ka sorkar bad kyrpang ia ka tnad election ba kala lah ban pynioh 100% ia ki nongthep vote da ka dur EPIC. La bethah ruh ia ka tnad elelction ba ha shiteng jong u bnai Kyllalyngkot 2018 ba kin pynpoi iaki EPIC sha baroh kito kiba dang shu pynrung thymmai.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet