ka Education Scam bad ka Sorkar MUA-II, la thoh da u Babu Kular Khongjirem

 

Ka jaboh jabain tah sia lieh ba la leh da ki MLA/ Ministers ba don burom jong ngi  tang ban pynioh kam nonghikai ia ki briew lajong bad ki briew ba iajan bad ki ha ki skul bapher bapher (education scam) ka la paw pen ryngkew naduh u snem 2009. Mynta kane ka kam ka la jan kynjoh sha ka 10 snem (10thanniversary) ha ka state jong ngi. Ka kam leh thok tah sia lieh ka long kum ka kam pynioh distinction ia kito kiba apply kam nonghikai kiba kham duna ne kiba fail ha ki subject interview bapher bapher. Kum kine ki jait kam leh thok kum ka  jingpeit tuh kot ha ka por exam(unfair mean)  bad ka jing ia die ia thied ia ki certificate thok ha ki kyrdan (degree) bapher bapher ki  shait jia ha kylleng ki state ka ri India khamtam kito ki state kiba kham sah dien (backward state) kum ka Bihar, U.P, etc.

Lada kum kine ki jingjia ki jia ha kiwei ki state ki briew jong ngi ki ju rkhie bein bad niew bein ba ki dei na ka state ba dang sahdien. Hynrei kane ka jing jia ka la jia syndon ha ka state Meghalaya jong ngi kaba la niew bad khein ia ka kum ka state ba kyrpang bad kyntang namar ba kadei ka Christian state. Ngi ju kam ia lade ba kum ki briew kiba shong ha ka Christian state ngi long ki briew kiba shai (Civilised society). Hynrei kane ka jingjia ka la pynlyngngoh bad pynsniew dur noh ha khmat kiwei ki jaitbynriew ba kumno kan jia kum kine ki jingjia ba khyllah  ha ka state jong ngi kaba shong bun eh bad long nong shynshar ruh da ki briew kiba la long Christan.

Dang shen ka Meghalaya High Court ba don burom ka la ai ia la ka jong ka rai (judgement) ba ka sorkar Meghalaya ka dei ban pynkhuid noh phar ia kine baroh ki kam leh thok leh shukor ha kane ka kam thung nonghikai skul bym hok (unfair means). Hynrei kaba phylla bad lyngngoh pat ka long ba ka sorkar Meghalaya lyngba ka cabinet meeting ka la rai ban iada (protect) pynban  pyrshah ia kane ka rai jong ka High Court ba donburom da kaba mudui sha Supreme Court syndon. Kane ka pyni kumba ka sorkar ka ia shah pynban ia ka kam leh thok leh tuh bad ka long ruh kum ka jingpynshlur  ia ki kam bym hok bym shisha (unjustice). Shisien ba la iashah naba heh (highest level) ka long kaba ma shibun ba ioh ka ia bit pynban sa sha ki kyrdan kiba rit ba-ria (lowest level). Lada ka long ha kata ka rukom, shano kein ka burom ka ijot  jong ka ri bad ka jaitbynriew jong ngi ha khmat ka pyrthei.

Ha ka jingshisha, ym don uwei ruh u bym kwah ban leh hok ia kano kano ka kam. Ka ktien ka ju ong ba ka ain kan leh ia la ka jong ka kam (the law will take its own course). Hynrei ha ka kam (action) pat imat ka ain ka trei kam tang ia kiba rit ba-ria bad ki duk ki suk. Ia kiba heh kiba khraw ka ain ka tieng bad ka leit rieh sha kyndong kynshrot. Ym tang katta, ha ka jingbishar  ruh ka nang lait nang bakla katba nang slem ka por (justice delayed, justice denied). Ka jing pynslem ka sorkar MUA II ia kane ka education scam ruh imat ka thmu sha kane ka nongrim (principle) jong ka ain. Ka long kaba sngew lehrain pynban ba kum ki nongshong shnong kiba shong ha ka ri tip briew Blei bad ka Christian state ba bun na ki nong synshar jong ngi ki dei ruh ki Christian kin leh khnang (intentionally) pynban ia kano kano ka kam bym hok kaba ka pyrthei baroh kawei ka pyrshah bad kam ju pdiang hi ruh ia kum kine ki kam bym hok kiba lah ban ktah ia ka lawei jong ka ri bad ka jaitbynriew jong ngi.

What Next?

Recent Articles

Leave a Reply

Submit Comment
*