Shillong, Naiwieng 08: U Sirdar ka Elaka Tyrna u bah Andreas Ryngksai mynta ka sngi u la pyntip ba kin pynlong ia ka jingrakhe ia ka jingdap 125 snem jong ka shnong ha ka 7 bad 8 tarik jong u bnai Nohprah 2022.
Haba kren ha ki lat pathai khubor ha Shillong Pres Club la ong ba ha kitei ki ar sngi kin pynlong ruh ia ka “2rd Living Roots Festival 2022” la iathuh ba ia ka jinglehkmen kaba nyngkong la pynlong ha u 2018 hynrei ym shym la lah ban pynlong biang namar ia kane ka tamsa na kadaw jong ka khlam COVID19.
Ha kane ka tamasa kin pynlontg ruh ia ka jingiakop Miss Living Roots bad kiba lah ban ia shim bynta ha kane ka jingleh kmen kin long tang ki khun samla jong ka Shella Konstitwensi namar kane ka dei tang ka jingsdang.
La iathuh ba ka jingwan kiba wan shangsuwari hapoh ka eleka Tyrna ban wan jngoh ia ki Jingkieng Diengjri kam duna ia ka shispah ngut bad man ka sngi kala ai kam pat ia ka 36 ngut ki samla jong ka shnong. Ka jingpynlong ia kane ka tamsa ka long ban khring ia ki nongwan jngohkai sha katei ka thain.
La iathuh ruh ba kum ka Elaka ka pynpaw ia ka jingsngewnguh ia ka tnad jngohkai pyrthei kaba la ai ia ka jingkyrshan ia kane ka tamsa kaba la pynlong da ka shnong Tyrna.
