Shillong, Rymphang 11: Party United Democratic Party (UDP) mynta ka sngi kala pynlait paidbah ia ka kular MDC Ilekshon “Manifesto” ha jaka sah jong u president ka seng u Dr Donkupar Roy ha ka jingiadon lang u
Working President ka party u Bah Bindo M Lanong, u Dr Jemino Mawthoh General Secretary jong ka UDP, u bah Allantry Dkhar, u Bah Kyrmen Shylla myntri ka sorkar jylla.
Ha kane ka mang-kyntiew Ri “Manifesto” sha kane ka ilekshon MDC 2019 ka ban long ha ka 27 tarik mynta u bnai na ka liang jong ka UDP, kala thoh shai kdar ba “ Ka Election Commission of India(ECI) kala buh ia ka 27.02.2019 ban don ka election jingiajied paidbah ha baroh ar tylli kitei ki Council,(KHADC bad JHADC)”.
Ha kane ka kular ilekshon kaba la pynlait paidbah mynta ka sngi ia kaba la soi da u President ka seng u Dr Donkupar Roy, Bah B M Lanong Working President bad u Dr. Jemino Mawthoh General Secretary jong ka party UDP, kala thoh ba ka Ka Election Commission of India(ECI) kala buh ia ka 27.02.2019 ban don ka election jingiajied paidbah ha baroh ar tylli kitei ki Council,(KHADC bad JHADC).
Ki jingkular ilekshon jong ka UDP ki don hynniew tylli ki mat, ki Himsa bad ki shnong ki Thaw, Ki Khlaw ki betap, ka Ain Khyndew, ka ain khein shim jait bad kiwei ki riti dustur, ki Iew ki hat bad ka khaii pateng da ki khyllah jait, ka Kashari bad ki kam bishar ain bad ka Ain mana kyntiap seng.
Kaei kaba juh leh baroh shikatta dei ka sorkar jylla Meghalaya kaba shim ia ka rai ban pynlong ia ka ilekshon sha ki iing dorbar jong ki District Council hapoh kane ka jylla Meghalaya.
